ޓިކްޓޮކް ކުޅެން އުޅުމުގެ ތެރޭގައި އައިސްފެންގަނޑެއްގެ ތެރެއަށް މީހަކު ވެއްޓި ތާށިވެއްޖެ
އިނގިރޭސި ވިލާތުގައި ދިރިއުޅެމުން އަންނަ "ޖޭސަން ކްލާކް" ނަމަކަށް ކިޔާ ޓިކްޓޮކް ކުޅޭ ޒުވާނެއް، ގަނޑުވެފައިވާ ފެންގަނޑެއްގެ ތެރެއަށް ވެއްޓި ތާށިވެއްޖެއެވެ.
ބޭރުގެ މިޑިއާތަކުން މައުލޫމާތު ލިބޭ ގޮތުގައި މި މީހާ ސަލާމަތް ކުރެވިފައިވަނީ ހަމަ ކިރިޔާއެވެ. މިކަމާ ގުޅިގެން ޖޭސަން ބުނެފައި ވަނީ މިއީ މިހާތަނަށް އޭނާ އަށް ކުޅެވުނު އެންމެ ނުރައްކާތެރި ވީޑިއޯ ކަމަށެވެ. އަދި ވެއްޓިގެން ގޮސް އެހާ އަވަހަށް އޭނަގެ ލޯ ވެސް ގަނޑުވި ކަމަށް އޭނާ މައުލޫމާތު ދީފައި ވެއެވެ.
ފޮލޯވަރުންގެ ގޮތުގައި 4 ލައްކަ އަށް ވުރެ ގިނަ މީހުން ހިމެނޭ ޖޭސަންގެ މި ވީޑިއޯއަށް ވަނީ ގިނަ ބައެއްގެ ސަމާލުކަން ލިބިގެން ގޮސްފައެވެ. އޭނާ ކިޔައިދިން ގޮތުގައި އޭނާ އައިސް ފެންގަނޑުގައި ހެދިފައިވާ ބާގަނޑަކުން ވެއްޓުނީ ކަމަށާއި، އެ ބާގަނޑުން ގޮސް ދެން އެ ފެންގަނޑު ތެރޭގައި ތާށިވީ ކަމަށެވެ. އަދި ބުރަކަށި ބޭނުން ކޮށްގެން އައިސް ގަނޑު ތަލާލެވޭތޯ ވެސް މަސައްކަތް ކުރި ކަމަށް އޭނާ މައުލޫމާތު ދީފައި ވެއެވެ.
ސަލާމަތް ވެގެން ހަމަހޭވެރިކަން ވީ ވެސް ދެތިން މިނެޓު ފަހުން ކަމަށާއި މިހާރު އޭނަގެ ހާލު ރަނގަޅު ކަމަށް ވެސް އޭނާ ވަނީ ބުނެފައެވެ.
ވާނިވެސް އެހެން ހިސާބަށް ވުރެ ހަރާމް ކަންކަން ކުރަންޔާ ތާގޫގުން… މިހާރު ހުންނާނީ ޓިކްޓޮކް ކުޅެވިފަ .