އަލްހާންގެ ސުވާލެއް: 71 ކިލޯގެ މަސްތުވާތަކެތި މާލެ މަގުމައްޗަށް އައީ ކޮން ދޮރަކުން އެތެރެވެގެންތޯ؟
މާލެ މަގުމަތިން މިއަދު ފެނުނު 71 ކިލޯގެ މަސްތުވާތަކެތި ރާއްޖެ އެތެރެވީ ކޮން ދޮރަކުންތޯ މާލެސިޓީ މޭޔަރު ކަމަށާއި އަންނަ ރިޔާސީ އިންތިހާބުގައި ވާދަ ކުރައްވަން ނިންމާފައިވާ އަލްހާން ފަހުމީ ފުލުހުންނާ ސުވާލު ކުރައްވައިފިއެވެ.
މިއަދު މާލޭގައި ހިންގި މަސްތުވާތަކެތީގެ އޮޕަރޭޝަނެއްގައި ވަނީ 71 ކިލޯގެ މަސްތުވާތަކެތި ހޯދައި 10 މީހަކު ހައްޔަރުކޮށްފައެވެ.
މިއޮޕަރޭޝަނާ ގުޅޭގޮތުން ކޮމިޝަނަރ އޮފް ޕޮލިސް މުޙައްމަދު ޙަމީދު ކުރެއްވި ޓްވީޓެއްގައި ވިދާޅުވެފައިވަނީ ރާއްޖެއަށް ސުމަގުލްކޮށްފައިވާ ކަމަށް ބެލެވޭ 71 ކިލޯގެ މަސްތުވާތަކެތި އަތުލައިގަތްފައިވާ ކަމަށެވެ.
ސީޕީ ކުރެއްވި ޓްވީޓަށް ރިޕްލައި ކުރައްވައި އަލްހާން ވަނީ ފުލުހުންނާ ގިނަ ސުވާލުތަކެއް ކުރިމަތި ކުރައްވާފައެވެ.
"ފުލުހުން ބުނެދޭންވީ، 71 ކިލޯގެ ހެރޮއިން (ހަކުރު) މާލޭ މަގުމައްޗާ ހަމައަށް އައީ އެތަކެތި ރާއްޖޭގެ ކޮން ދޮރޯއްޓަކުން އެތެރެވެގެންތޯ؟ ދޮރޯށި ބަލަހައްޓަން ތިބީ ކޮންބައެއްތޯ؟ ކޮން މުއައްސަސާއެއްގެ އިހުމާލެއްތޯ؟ ޝަރުޢީނިޒާމާ ހަމައަށް މައްސަލަ އަންނަނީ މާ ފަހުން ނޫންތޯ؟" ސީޕީ ހަމީދު ޓެގް ކުރައްވައި އަލްހާން ކުރެއްވި ޓްވީޓުގައި ވިދާޅުވިއެވެ.
ފުލުހުންގެ ޑްރަގް އެންފޯސްމަންޓާއި އެހެން ޔުނިޓުތަކަކުން ކުރިއަށް ގެންދިޔަ މިއޮޕަރޭޝަންގައި، އެތަކެތި ފެނިފައި ވަނީ ކާރެއްގެ ޑިކީ ތެރެއިންނެވެ.
މީ ބަޔަކު ކުޅޭ ގޭމެއް.