އެމްއޭސީއެލްގެ އިސްމަގާމެއްގައި އިންޑިއާ މީހެއް، ޝިޔާމްގެ ނުރުހުން
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ އޮޕަރޭޝަނަލް ރެޑިނަސް އެންޑް އެއާޕޯޓް ޓްރާންސްފާ ޑައިރެކްޓަރުގެ މަގާމަށް އިންޑިއާގެ ރައްޔިތެއް ހަމަޖެއްސުމުން ނައިފަރު ދާއިރާގެ މެންބަރު އަހުމަދު ޝިޔާމް އެކަމާ ނުރުހުން ފާޅު ކުރައްވައިފިއެވެ.
އެކަމާ ގުޅޭގޮތުން ޝިޔާމް ކުރެއްވި ޓްވީޓެއްގައި ވިދާޅުވެފައި ވަނީ ގާބިލް އެތައް ދިވެހި ދަރިން އެބަތިބި ކަމަށާއި އަދި ދިވެހި ދަރިންގެ ވަޒީފާ ގެއްލިފައިވާ މި ދަނޑިވަޅުގައި ދައުލަތުގެ ކުންފުނިތަކުގެ އެންމެ ބޮޑެތި މުސާރަ ދޭ މަގާމުތަކަށް ބިދޭސީން ހާއްސަ ކުރާތީ ކަންބޮޑުވެވަޑައިގަންނަވާ ކަމަށެވެ.
"ޤާބިލް އެތައް ދިވެހި ދަރިންނެއް ތިއްބާ އަނެއްކާ އެތައް ދިވެހި ދަރިންނެއްގެ ވަޒީފާ ގެއްލިފައިވާ މި ދަނޑިވަޅުގައި ދައުލަތުގެ ކުންފުނިތަކުގެ އެންމެ ބޮޑެތި މުސާރަ ދޭ މަގާމުތަކަށް ބިދޭސީން، ޚާއްސަކޮށް ވަކި ޤައުމެއްގެ ބަޔަކު، ޖަމާކުރާ ކުރުމާއި ދޭތެރޭ ނުހަނު ކަންބޮޑުވޭ" މެންބަރު ޝިޔާމް ވިދާޅުވެފައިވެއެވެ.
Ads by STO
