ގަނެވުނު ބޫޓު ހެޔޮވަރު ނޫނީތަ؟ ހައްލަކީ އަލުވި!
ފިހާރައަށް ގޮސް ހެޔޮވަރު ކޮށްގެން ގަންނަ ބޫޓު އަރަން ފެށުމުން ފަޔަށް ބާރުވެ ފޮޅުނަގަން ފެށުމުން ބޫޓު ބޭނުން ނުކޮށް ހުންނާކަށް ދެން ނުޖެހޭނެއެވެ. މިއޮތީ އެކަމަށް ވެސް ހައްލެއް ހޯދައިފައެވެ.
ވަރަށް ގިނަ މީހުން ކަން ކުރާ ގޮތަކީ ފާރެއްގައި ނުވަތަ އެފަދަ އެހެން ތަނެއްގައި ވެސް ކޮޅަށް ބެހެއްޓުމަށް ފަހުގައި ބޫޓުގެ ކުރީކޮޅަށް ފެން އަޅަނީއެވެ. މިއީ ވެސް ގޮތެކެވެ. އެހެންނަމަވެސް މިގޮތް ޚިޔާރުކުރުމުގެ ސަބަބުން ބޫޓުން ކުނި ވަސް ދުވުން ވެސް އެކަށީގެން ވެއެވެ.
މިކަމަށް އޮތް ހައްލަކީ އަލުވިއޭ ބުނުމުން ސުވާލު އުފެދޭ ދޯއެވެ؟ އަލުތްވަކީ ކައްކަން ބޭނުން ކުރާ ފަލަމަޑީގެ ބާވަތެއް ވިއްޔާއެވެ. އެހެން ނަމަވެސް އެއީ މިކަމަށް ވެސް ބޭނުން ކުރެވިދާނެ އެއްޗެކެވެ.
ބޫޓު ފާރެއްގައި ނުވަތަ އެފަދަ އެހެން ތަނެއްގައި ކޮޅަށް ބެހެއްޓުމަށް ފަހުގައި ބޫޓަށް ހެޔޮވަރު އަލުތްވެއް ނޫސް ކަރުދާސް ގަނޑެއްގައި ނުވަތަ ތުވާއްޔެއްގެ ތެރެއަށް ލާ އޮޅާލުމަށް ފަހު ބޫޓު ތެރެއަށް ލާށެވެ. އަދި މިކަން ނިދަން އޮށޯތުމުގެ ކުރިން ކުރުމުން އަނެއް ދުވަހަށް ނިދާ ހޭލާ ވަގުތު ބޫޓުގެ ޖާގަބޮޑު ވާނެއެވެ. އަދި ބޫޓުން ނުބައި ވަހެއް ދުވާނަމަ އެ ވަސް ވެސް ކެނޑިގެން ދާނެއެވެ.
އަލުވީގައި ވާ ބައެއް މާއްދާތަކުގެ ސަބަބުން ނުބައި ވަސް ބޫޓު ތެރެއިން ދަމައިގަނެ ބޫޓުގެ ކުރީކޮޅުގައި ވާ ޖާގަ އިތުރަށް ބޮޑު ކޮށްދެއެވެ. ގަބޫލު ނުކުރެވެނީ ތޯއެވެ؟ އަމިއްލައަށް ތަސައްވަރު ކޮށްލާށެވެ. އޭރުން މިއީ ހަގީގަތެއް ކަން ސާބިތު ވެގެން ދާނެއެވެ. އެހެންކަމުން ދެން ބޫޓު ހެޔޮވަރު ނުވުމުން އެހެން މީހަކަށް އެބޫޓު ދިނުމުގެ ބަދަލުގައި އަލުތްވެއް ބޭނުން ކޮށްގެން އެ ބޫޓުގެ ޖާގަ ބޮޑުކޮށް ބޫޓުގެ ބޭނުން ހިފޭތޯ މަސައްކަތް ކުރާށެވެ. ހައްލަކީ ހަގީގަތުގައި ވެސް އަލުތްވެއެވެ.
އއަމިއްލައަށް ތަސައްވަރު ކޮށްލާށެވެ. ތަސައްވަރުތޯ ތަޖުރިބާތޯ؟
އަޖުަމ ބަލާަނަން