ރަސްމިއްޔާތުތަކުގައި ކެއުމުގެ އިންތިޒާމު ހަމަޖައްސައިގެން ނުވާނެ!
ކޮވިޑް-19 ފެތުރުމާ ގުޅިގެން އަޅާފައިވާ ފިޔަވަޅުތަކަށް ލުއިދީ ހަފްލާ ތަކާއި ރަސްމިއްޔާތުތައް ބޭއްވުމުގެ ހުއްދަ ދިން ނަމަވެސް އެފަދަ ހަރަކާތްތައް ބޭއްވުމުގައި ރައްކާތެރިކަމުގެ ފިޔަވަޅުތަކަށް އިސްކަން ދެން ޖެހޭނެކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
ކޮވިޑްގެ ހާލަތުގައި ބާއްވާ އެކި ހަފްލާތަކާއި ރަސްމިއްޔާތުތަކުގައި އަމަލު ކުރަންޖެހޭ އުސޫލުތަކެއް އެޗްޕީއޭ އިން މިއަދު ވަނީ އާއްމުކޮށްފައެވެ.
އެޗްޕީއޭއިން އާއްމުކުރި އުސޫލުތަކުގައި ބުނެފައި ވަނީ މާލެ ސަރަޙައްދާއި ގެސްޓްހައުސް ހިންގާ ރަށްރަށުން އަދި އެއާޕޯޓު ހިންގާ ރަށްރަށުން ރައްކާތެރިކަމުގެ ފިޔަވަޅުތަކަށް އަމަލު ކުރަން ޖެހޭނެ ކަމަށެވެ.
އެއުސޫލުތަކަކީ:
▪︎ ހަފްލާތަކާއި ރަސްމިއްޔާތުތައް ބާއްވާއިރު، ކޮވިޑުގެ އަލާމާތްތައް ހުރި އެއްވެސް މީހަކު ހަފްލާތަކުގައި ބައިވެރި ނުކުރުން
▪︎ ތަނުގައި މަސައްކަތް ކުރާ މިހުން މާސްކު އަޅައި ގައިދުރުކުރަން ޖެހުން.
▪︎ ހަފްލާގައި މަސައްކަތްކުރާ މީހުންނާއި އެތަނަށް ދާ މީހުންނަށް އަތްދޮވެ، ސެނިޓައިޒް ކުރެވޭނެ އިންތިޒާމު ހަމަޖައްސާފައި ހުރުން
▪︎ އާންމުކޮށް އަތްލާ ގޮނޑި، ޕޯޑިއަމް، ދޮރު ފަދަ ތަންތައް އަވަސް އަވަހަށް ސާފުކުރުން.
▪︎ ހަފްލާ ނުވަތަ ރަސްމިއްޔާތު ބާއްވަނީ އިމާރާތެއްގައި ނަމަ މީހުން ވަދެ ނިކުންނަ ގަޑީގައި ތަނުގެ ދޮރު ހުޅުވާފައި ބެހެއްޓުން، އެއާކޯން ހުރި ނަމަވެސް އެކިފަހަރު މަތިން ދޮރު ހުޅުވައި ވައިދައުރު ކުރުން.
▪︎ ރަސްމިއްޔާތުތަކުގައި ކެއުމުގެ އިންތިޒާމު ހަމަނުޖެއްސުން
▪︎ ކައިވެނި/އުފަންދުވަހުގެ ހަފްލާ ބާއްވާއިރު ބުފޭގެ ބަދަލުގައި ވަކިން ސާވް ކުރާގޮތަށް އިންތިޒާމު ކުރުމަށާއި ބުފޭ ހަދާނަމަ ކާއެއްޗެހި އަޅައިދޭނެ މީހަކު ވަކިން ހުންނަން ޖެހުން.
▪︎ މާސްކާއި ޓިޝޫ އެޅުމަށް ހާއްސަ ޑަސްބިން ބެހެއްްޓުން
▪︎ ގިނަ މީހުން ބައިވެރިވާ ހަފްލާ/ ރަސްމިއްޔާތުގެ ވަގުތު މަދުކުރުން.
▪︎ އިނާމު ދިނުމުގެ ހަފްލާތަކުގައި އަތާއި އަތް ޖޯޑުކޮށް ސަލާމް ނުކުރުމަށާއި ސެޓްފިކެޓް ހަވާލު ކުރުމަށްވެސް އަތުން އަތަށް ދިނުމުގެ ބަދަލުގައި އެހެން އިންތިޒާމެއް ހަމަޖެއްސުން، މިއެވެ.
ކޮވިޑް19އާ ގުޅިގެން އަޅާފައިވާ ފިޔަވަޅުތަކަށް ލުއިދީ ހަފްލާތަކާއި ރަސްމިއްޔާތު ބޭއްވުމުގެ ހުއްދަ ދިނީ މިމަހުގެ 17 ވަނަ ދުވަހުއެވެ.
ކިހާ ދެރަ ކަމެއް ކަލޭ އޮވެބަލަ ގޭގަ. މިހާރު ތި ކަމަކަށް ނުވި އެންނު. ރާއްޖެއިން ބޭރުގަ ކޮންމެ ތަނަކުން އަޔަސް ކަރަންޓީން ވާން ނުޖެހޭ، އެކަމަކު އަހަރެމެން އަހަރެމެންގެ އަމިއްލަ ރަށަށް ގޮސް 10 ދުވަސް ވަންދެން އެކަހެރިވެގެން.
ބުއިން އެކަނި ހުއްދައީ. ބޮވެން ޖެހޭނެ.