ރާއްޖެއިން ބޭރުން އަންނަ ދަރިވަރުން ކަރަންޓީނު ކުރަން ނިންމައިފި
ރާއްޖެއިން ބޭރުން އަންނަ ދަރިވަރުން ކަރަންޓީނު ކުރަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ނިންމައިފިއެވެ.
އެޗްޕީއޭ އިން މިރޭ ބުނީ ރާއްޖެއިން ބޭރުން އަންނަ މީހުންގެ ތެރެއިން ސުކޫލު/ކޮލެޖް/ޔުނިވަރިސިޓީތަކުން އަންނަ ދަރިވަރުން 10 ދުވަހުގެ މުއްދަތަށް ގޭގައި ކަރަންޓީނުވާން ޖެހޭނެ ކަމަށާއި 10 ދުވަހަށްފަހު ޕީސީއާރު ނެގަޓިވް ނަތީޖާއަކާއެކު ކަރަންޓީނުން ދޫކޮށްލާނެ ކަމަށެވެ.
އެޗްޕީއޭ ގެ މިނިންމުމަށް ޢަމަލު ކުރަން ފަށާނީ އަންނަ ހޯމަ ދުވަހުން ފެށިގެން ކަމަށް ވެސް އެނގިފައިވެއެވެ.
ރާއްޖެއިން ބޭރުން އަންނަ ދަރިވަރުން 10 ދުވަހަށް ކަރަންޓީނު ވާން ޖެހޭނެކަމަށް އެޗްޕީއޭ އިން މިރޭ ނިންމާފައިވާއިރު މިހާރުވެސް ރާއްޖެ އާދެވެނީ 96 ގަޑިއިރު ނުވާ ޕީސީއާރު ނެގަޓިވް ނަތީޖާއަކާއެކު ގައެވެ.
އެޗްޕީއޭއިން މިފިޔަވަޅުތައް ވަރުގަދަ ކުރަން ފަށާފައި މިވަނީ އިނގިރޭސިވިލާތުން ފެނިފައިވާ ކޮވިޑް-19 ގެ އާވޭރިއަންޓު މިހާރު ދުނިޔޭގެ އެކި ޤައުމުތަކަށް ފެތުރެން ފަށާފައިވުމާ ގުޅިގެންނެވެ. އެގޮތުން މިހާރު ވެސް ދުނިޔޭގެ 21 ޤައުމަކުން މިވައިރަސް ފެނިފައިވާ ކަމަށް ރިޕޯޓުތަކުން ބުނެފައިވެއެވެ.
"ޔޫކޭ ވައިރަސް" ގެ ނަމުން ނަން ދެވިފައިވާ ކޮވިޑް ގެ މިއާވެރިއަންޓް ގައިން ގަޔަށް ފެތުރުމުގެ ދުވެލި 70 ޕަސަންޓް އިތުރު ކަމަށް ސިއްހީ މާހިރުން ވަނީ ވިދާޅުވެފައެވެ.އިނގިރޭސިވިލާތުގެ ހެލްތު ސެކްރަޓަރީ މެޓް ހެންކޮކް ވިދާޅުވެފައި ވަނީ މި ބަލީގެ ވޭރިއަންޓް ކޮންޓްރޯލް ނުވާ މިންވަރަށް ފެތުރެމުންދާ ކަމަށެވެ.
މީ އަޅެފަހެ ހަމަ އެކަނި ދަިވަރުންގެ ގަޔަށް އަރާ ވައިރަހެެއްތަ؟ ހާދަ ސްމާޓު ވައިރަހެކޭދޯ އެހެންވެއްޖެއްޔާ. ކީއްވެތަ ރާއްޖޭންބޭރުން އަންނަ އެއްމެން ކަރަންޓީން ނުކުރެވެންވީ….. އަޖައިބެއްނުވާނެ