ފޮނަދޫން އިތުރު ދެމީހަކު ފައްސިވެއްޖެ، ޖުމްލަ 4 މީހުން ފައްސިވެފައިވޭ
ފޮނަދޫން ފައްސިވި މީހުންގެ އަދަދު 4 އަށް އަރައިފިއެވެ. މަޢުލޫމާތު ލިބިފައިވާ ގޮތުގައި ފައްސިވި 4 މީހުންގެ ތެރޭގައި 3 ކުޑަކުދިން ހިމެނެއެވެ.
ފޮނަދޫ ހެލްތު ސެންޓަރ އިން "ދެން" އަށް މަޢުލޫމާތު ދެމުން ބުނެފައިވަނީ ނެގި 4 ސާންޕަލް ފައްސިވެފައިވާ ކަމަށާއި އިތުރު ސާންޕަލެއް ނަގާފައިނުވާ ކަމަށެވެ.
"ޖުމްލަ 4 ސާންޕަލް ނެގީ. 4 ސާންޕަލްގެ ނަތީޖާ ވެސް ފައްސި." ހެލްތް ސެންޓަރގެ މެނޭޖަރ ހަސަން ޚަލީލް ވިދާޅުވިއެވެ.
"ދެން" އަށް މަޢުލޫމާތު ލިބިފައިވާ ގޮތުގައި، މިއީ ދެއްވަދޫން ފައްސިވި ވޭދަނަ އާ ގުޅުން ހުރި ވޭދަނައެކެވެ. އަދި މިދެމީހުން ފޮނަދުއަށް އައިސްފައިވަނީ ކަރަންޓީން ވުމަށް ނޫން ކަމަށް ވެސް މަޢުލޫމާތު ލިބެއެވެ.
ފައްސިވެފައި ވަނީ ފޮނަދޫ މީހުން ކަމަށް މަޢުލޫމާތު ލިބެއެވެ.
ދެއްވަދޫން ގިނަ ބަޔަކު ކޮވިޑް-19 އަށް ފައްސިވެ، ޖެނުއަރީ 7 ވަނަ ދުވަހު ރަށަށް އަރާ ފޭބުން މަނީ މަނާކޮށްފައެވެ.
Ads by STO
