ކާޖަލް ލޮކްޑައުން ތެރޭ ކުރި ކަމަކީ މިއީ!
2020 ވަނަ އަހަރު އަހަރުމެން އެންމެންނާ ބައްދަލުކުރީ ހީވެސް ނުކުރާފަދަ ގޮތަކަށެވެ. ނުރައްކާތެރި ވައިރަހެއް ފެތުރި ހުރިހާ އެންމެ ގޭގައި ބަންދުވާން ޖެހުން ވެގެންދިޔައީ އެންމެނަށް ވެސް ކުރިމަތިވި ވަރަށް ބޮޑު ގޮންޖެހުމަކަށެވެ. އޭގެ ތެރޭގައި މުޅި އަހަރުއެކީ އަވަދިނެތި އުޅެމުން އައި ފިލްމީ ތަރިން ވެސް ހިމެނެއެވެ.
ބޮލީވުޑު ރާނީ ކަމަށް ބުނާ ތަރި ކާޖަލް މިވަނީ އޭނާ ލޮކްޑައުން ދުވަސްތައް ހޭދަކުރި ގޮތް އާންމުންނާ ހިއްސާކޮށްފައެވެ.
އޭނާގެ ފުރަތަމަ ނެޓްފްލިކްސް ފިލްމު ކަމަށްވާ "ޓްރިބަންގާ" ރިލީޒްކުރުމުގެ މަސައްކަތް ކުރަމުން އަންނަ ކާޖަލް ބުނި ގޮތުގައި ދަރިންނާއެކު ގޭގައި މަޑުކުރަން ޖެހުމުން، ކުރެވުނު ވަރަށް ތަޖުރިބާ ވަރަށް ތަފާތު ކަމަށެވެ. އެގޮތުން ކުރިން ދަރިފުޅު ސުކޫލަށް ފޮނުވާލާފައިވާ އުޅެވުނަސް، ސުކޫލު މިހާރު ގެއަށް އައިސްފައިވާ ކަން ފާހަގަކޮށް ކާޖަލް ބުނީ ދަރިފުޅާއެކު އެކަމުގައި ބައިވެރިވެވުމަކީ އޭނާ ވަރަށް ވަރަށް ގަޔާވި ކަމެއް ކަމަށެވެ.
އަދި ދަރިންނާއެކު ވަގުތު ހޭދަކުރަން ލިބުމުން ވަރަށް އުފާވި ކަމަށް ކާޖަލް ވަނީ ބުނެފައެވެ.
އަދި މީގެ އިތުރުން އެގޭގައި ހަތަރު ކޮޓަރި ހުންނާތީ އެކަމަށް ޝުކުރު ކުރާ ކަމަށާއި އޭގެ ސަބަބުން އެކަކު އަނެކަކު ދެކެ ރުޅި އަންނަ ހެން ހީވުމުން، "ސްޕޭސް" ހޯދުމަށް ހަތަރު މީހުން ހަތަރު ކޮޓަރިއަށް ވަންނަ ކަމަށް ކާޖަލް ބުނެފައިވެއެވެ.
ފިލްމީ ތަރި އަޖޭ ދޭވްގަންއާ ކައިވެނި ކޮށްގެން އުޅޭ ކާޖަލް އަކީ ދެކުދިންގެ މަންމައެކެވެ.
Ads by STO
