ދަރިވަރަކު ކޮވިޑް-19 އަށް ފައްސިވުމުން ގއ.އަތޮޅު ތައުލީމީ މަރުކަޒު ބަންދުކޮށްފި

ގއ.ވިލިނގިލީގައި ހުންނަ އެ އަތޮޅު ތައުލީމީ މަރުކަޒުގެ ދަރިވަރަކު ކޮވިޑް-19 އަށް ފައްސިވުމާ ގުޅިގެން އެ ސްކޫލް ބަންދު ކޮށްފިއެވެ.

Ads by STELCO

މައުލޫމާތު ލިބިފައިވާ ގޮތުގައި ފައްސިވެފައި ވަނީ އެ ސުކޫލުގައި ގްރޭޑް 11 ގައި ކިޔަވަމުން އަންނަ ދަރިވަރެކެވެ. އަދި ސުކޫލު ހުޅުވިފަހުން މި ކުއްޖާ ބަރާބަރަށް ސުކޫލަށް ގޮސްފައިވާ ކަމަށް ވެސް މައުލޫމާތު ލިބެއެވެ.

އެޗްއޯސީން ވަނީ ވިލިނގިލިން މީހަކު ފައްސިވުމާ ގުޅިގެން އެރަށް މިހާރު މޮނިޓަރިންގެ ހާލަތަށް ލައި ކޮންޓެކްޓް ޓްރޭސިންގެ މަސައްކަތް ކުރަމުންނެވެ.

ވިލިނގިލީގެ އިތުރުން ދާންދޫ އިން ވެސް ދެ މީހަކު ފައްސިވެ، އެރަށް ވެސް ވަނީ މޮނިޓަރިން އަށް ލެވިފައެވެ.

މި ދެރަށަކީ ވެސް އެ އަތޮޅު ދެއްވަދޫ ކްލަސްޓާ އާ ގުޅުންހުރި ކޭސްތަކެކެވެ.