ގިރިލަންކަން ފުށީގެ ޖެނެރަލް މެނޭޖަރ މަގާމުން އެކަހެރިވެއްޖެ
ކ. ހިންމަފުށީ ފަޅު ތެރޭގައި އޮންނަ ފިނޮޅަކަށް ގިލިލަންކަންފުށި ރިސޯޓުން ގެއްލުންދިން ކަމަށް ތުހުމަތު ކުރެވޭ މައްސަލައާ ގުޅިގެން އެ ރިސޯޓުގެ ޖެނެރަލް މެނޭޖަރު ޑޭވިޑް ސްޓެޕެޓިކް މަގާމުން އެކަހެރިވެއްޖެ އެވެ.
އެ ރިސޯޓުގެ އޮޕަރޭޝަންސް ވައިސް ޕްރެޒިޑެންޓް ޑޭވިޑް ބްރައުން އޮންލައިން ނޫސް "ސަން" އަށް މައުލޫމާތު ދެއްވަމުން ވިދާޅުވީ ބުރާސްފަތި ދުވަހުގެ ރޭ ފިނޮޅުގައި ހިނގީ ހިނގައިގެން ވާނެ ކަމެއް ނޫން ކަމަށާއި، އެކަމުގެ ފުރިހަމަ މައުލޫމާތު ލިބިފައިވާ ކަމަށެވެ.
ފުލުހުންނާއި ކަމާއި ގުޅޭ ފަރާތްތަކުން މިހާރު އެމައްސަލަ ތަހުގީގު ކުރަމުން އަންނައިރު، އެރިސޯޓުގެ ފަރާތުން ފުރިހަމަ އެއްބާރުލުންދީ އެންގުންތަކަށް ފުރިހަމައަށް ތަބާވާނެ ކަމަށް ވެސް ބްރައުން ވިދާޅުވެފައިވެއެވެ.
މައްސަލައިގެ ތަހުގީގު ނިމެންދެން ޖެނެރަލް މެނޭޖަރު ކަމުން ޑޭވިޑް ސްޓެޕެޓިކް އެކަހެރިވެފައިވާ ކަމަށް ވެސް އޭނާ ވިދާޅުވި އެވެ.
ގިލިލަންކަންފުށްޓަކީ ރާއްޖޭގެ ފަތުރުވެރިކަމުގައި މުހިންމު ދައުރެއް އަދާކުރާ ބައެއް ކަމަށާއި، އެ ރިސޯޓުގައި ޗުއްޓީ ހޭދަކޮށްފައި ދާ ފަތުރުވެރިން ދެވަނަ ފަހަރަށް ރާއްޖެ އަންނަ މިންވަރު ވެސް މަތި ކަމަށް ބްރައުން ވިދާޅުވިއެވެ.
މި ހާރުނެތް ހިތްހަމަ ޖައްސަން އާދައިގެ ދެރަނިކަމެއްޗަކު ގޮސްލާނެ އެއްވެސް ފަޅު ރަށެއް.
ހައްތަހާ ވެސް މީހުން ވަރުވާއައް ނަގައިގެން އުޅޭ ރަށްރަށް ނޫނީ ރިސޯޓުތައް