"ޑުޕަ ފިފްޓީން" މަޅި ފުޓްސަލް ޗެލެންޖު: ވޯންޓެޑްއާ ދެކޮޅަށް ޓީވައިޕީއަށް ހަނި މޮޅެއް
"ޑުޕަ ފިފްޓީން" މަޅި ފުޓްސަލް ޗެލެންޖުގައި މިއަދު ހަވީރު ވޯންޓެޑްގެ މައްޗަށް ކުރި ހޯދައި ޓީވައިޕީއިން އެޓީމުގެ ފުރަތަމަ މޮޅު ހޯދައިިފިއެވެ. ޓީވައިޕީ އިން މި މެޗު ކާމިޔާބު ކުރީ 2-1ގެ ހަނި ނަތީޖާއަކުންނެވެ.
މީގެ ކުރިން މި ދެޓީމުގެ ވެސް މެޗެއް ކުޅެފައިވާއިރު ދަ ރޯޔަލްސް އަތުން ޓީވައިޕީ ފުރަތަމަ މެޗުން 6-1ގެ ނަތީޖާއަކުން ވީ ބައްޔެވެ. އަދި ވޯންޓެޑުން އެޓީމުގެ ފުރަތަަމަ މެޗުގައި ވަނީ ކޭއެޗް ލަޔަންސްއާ ކުޅެ އެއްވަރު ވެފައެވެ.
މިއަދުގެ މެޗުގައި ފެނިގެން ދިޔައީ ހަމަހަމަ ކުޅުމެކެވެ. މިއަދުގެ މެޗުގައި ޓީވައިޕީގެ ގޯލްތައް ޖަހައިދިނީ އަހްމަދު ޝައްދާން އާއި އަހްމަދު ޝަހްޒާންއެވެ. އަދި ވޯންޓެޑްގެ ހަމައެކަނި ގޯލް ޖަހައިދިނީ އަލީ އަސްވަދު އެވެ.
މިއަދުގެ މެޗުގެ މޮޅު ކުޅުންތެރިއަކަށް ހޮވުނީ ޓީވައިޕީގެ ޖާރޒީ ނަންބަރު 7 އަހްމަދު ޝައްދާން އެވެ.
މި މުބާރާތުގެ މެއިން ސްޕޮންސަރަކީ ބިގްމޭން ގެ "ޑުޕްރ ފިފްޓީން" އެވެ. ކޯ ސްޕޮންސަރަކީ އެސޯސިއޭޝަން ފޯ ޔޫތް އެމްޕަވަރމެންޓް އޮފް ގެމަނަފުށިއެވެ. މީގެއިތުރުން ވަން ކްލިކް މޯލްޑިވްސްއިން ހޯލްސޭލްކުރާ ލެމާރ ޖޫސްޕެކެޓާއި، ހުޅުމާލޭ ޑްރައިވަރސް އެސޯސިއޭޝަންނަކީ ވެސް ކޯ ސްޕޮންސަރުންނެވެ. ބެވެރޭޖް ޕާޓްނަރަކީ ރެޑްބުލްއެވެ.
ބޯލް ޕާޓްނަރަކީ މާކުއީ އެވެ. ސައުންޑް ޕާޓްނަރަކީ އޮފިޝަލް އިވެންޓްސް އެވެ. އަދި ޕްރިންޓިންގ ޕާޓްނަރަކީ ކުލަ މޯލްޑިވްސް އެވެ. މުބާރާތުގެ މީޑިއާ ޕާޓްނަރުންނަކީ، ދެން، ވަގުތު، ފަހުމިނެޓް އަދި މޯލްޑިވްސް ފުޓްސަަލް ޕްލޭޔާރސްއެވެ. އެހެނިހެން ސްޕޮންސަރުންނަކީ އަފޫ ޕެއިންޓްސް، މެރިލައިން މޯލްޑިވްސް، ޓޮޕް ތްރީ މޯލްޑިވްސްގެ އިތުރުން ޓްރިޕަލް އޭ އެޗް އެވެ.
މުބާރާތުގެ ޗެމްޕިއަން ޓީމަށް 25000 ރުފިޔާ ހަމަޖައްސާފައިވާއިރު ރަނަރަޕް ޓީމަށް 8000 ރުފިޔާ ވަނީ ކަނޑައަޅައިފަ އެވެ. މުބާރާތުގެ ޗެމްޕިއަން ޓީމަށް 15000 ރުފިޔާގެ އަގުހުރި ތައްޓެއް ދޭން ހަމަޖެހިފައިވާކަމަށް މަޅި އެމްވީން މައުލޫމާތުދެއެވެ.
މިއީ ކޮވިޑް-19 ގެ ބަލިމަޑުކަމުގެ ތެރެއިން މާލެއިން މި ބަލި ފެނުނު ފަހުން މި ސަރަހައްދުގައި ބާއްވާ އެންމެ ވަރުގަދަ އެއް ފުޓްސަލް މުބާރާތެވެ.
