"ޑުޕަ ފިފްޓީން" މަޅި ފުޓްސަލް ޗެލެންޖު: އާން ދޯ އަތުން މޮޅުވެ ސީކޭ ކުއާޓާ ފައިނަލަށް
"ޑުޕަ ފިފްޓީން" މަޅި ފުޓްސަލް ޗެލެންޖުގައި ރޭ އެފްސީ އާން ދޯގެ މައްޗަށް ކުރި ހޯދައި ސީކޭ ކުއާޓާ ފައިނަލަށް ދަތުރު ކޮށްފިއެވެ.
މި ދެޓީމު ބައްދަލު ކުރި މެޗު ސީކޭއިން ކާމިޔާބު ކުރީ 3-2ގެ ފަރަގު ފަރަގު ހަނި ނަތީޖާއަކުންނެވެ. މި މޮޅާއެކު ސީކޭ ކުއާޓާ ފައިނަލަށް ގޮސްފައިވާއިރު،ކުއާޓާ ފައިނަލުގައި އެޓީމުން ބައްދަލު ކުރާނީ މަސްއޮޑި ޓައިޓަންސްއާ އެވެ.
ރޭގެ މެޗުގައި ވާދަވެރި ކުޅުމެއް ފެނިގެން ދިޔައިރު، ގޯލް ޖަހާނެ ފުރުސަތުތައް ދެޓީމުން ވެސް ތަނަވަސް ކުރިއެވެ. މި މެޗުގައި ސީކޭ އިން ގޯލް ޖެހި ކުޅުންތެރިންނަކީ އަލީ ޝިޒާން، އަބްދުﷲ ފައުޒާން އަދި އަހްމަދު ނަސީމެވެ. އަދި އާންދޯގެ ދެ ގޯލް ޖެހީ މޫސާ ނާޖިހު އާއި އާދަމް މަންސޫރެވެ.
މެޗުގެ މޮޅު ކުޅުންތެރިއަކަށް ހޮވުނީ ސީކޭގެ އަހްމަދު ޝިޒާން އެވެ.
ފޯރިގަދަ މި މުބާރާތުގެ ބޯލް ޕާޓްނަރަކީ މާކުއީ އެވެ. ސައުންޑް ޕާޓްނަރަކީ އޮފިޝަލް އިވެންޓްސް އެވެ. އަދި ޕްރިންޓިންގ ޕާޓްނަރަކީ ކުލަ މޯލްޑިވްސް އެވެ. މުބާރާތުގެ މީޑިއާ ޕާޓްނަރުންނަކީ، ދެން، ވަގުތު، ފަހުމިނެޓް އަދި މޯލްޑިވްސް ފުޓްސަަލް ޕްލޭޔާރސްއެވެ. އެހެނިހެން ސްޕޮންސަރުންނަކީ އަފޫ ޕެއިންޓްސް، މެރިލައިން މޯލްޑިވްސް، ޓޮޕް ތްރީ މޯލްޑިވްސްގެ އިތުރުން ޓްރިޕަލް އޭ އެޗް އެވެ.
މުބާރާތުގެ ޗެމްޕިއަން ޓީމަށް 25000 ރުފިޔާ ހަމަޖައްސާފައިވާއިރު ރަނަރަޕް ޓީމަށް 8000 ރުފިޔާ ވަނީ ކަނޑައަޅައިފަ އެވެ. މުބާރާތުގެ ޗެމްޕިއަން ޓީމަށް 15000 ރުފިޔާގެ އަގުހުރި ތައްޓެއް ދޭން ހަމަޖެހިފައިވާކަމަށް މަޅި އެމްވީން މައުލޫމާތުދެއެވެ.
މިއީ ކޮވިޑް-19 ގެ ބަލިމަޑުކަމުގެ ތެރެއިން މާލެއިން މި ބަލި ފެނުނު ފަހުން މި ސަރަހައްދުގައި ބާއްވާ އެންމެ ވަރުގަދަ އެއް ފުޓްސަލް މުބާރާތެވެ.
