ކޮވިޑް-19: ހޮސްޕިޓަލު ތަކުގައި ފަރުވާދޭ އަދަދުވެސް 200 އާ ގާތްކޮށްފި
ރާއްޖޭގައި ވެސް ފެތުރެމުން އަންނަ ކޮވިޑް-19 އަށް ހޮސްޕިޓަލުތަކުގައި ފަރުވާ ދެމުން އަންނަ މީހުންގެ އަދަދުވެސް 200 އާ ގާތް ކޮށްފިއެވެ.
އެގޮތުން އިއްޔެ 163 މީހަކަށް ހޮސްޕިޓަލު ތަކުގައި ފަރުވާ ދެމުން އަންނަ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ސާވަލެންސް ޑޭޓާއިން ދައްކާފައިވާއިރު، އެއަދަދު މިއަދު މިވަނީ 184 އަށް އަރާފައެވެ.
އެޗްޕީއޭ އިން އާއްމު ކޮށްފައިވާ ސާވޭލަންސް ޑޭޓާއަށް ބަލާއިރު މިއަދު ރާއްޖެއިން ކޮވިޑަށް ފައްސި ވެފައިވަނީ މާލެއިން 159 މީހުންނާއި، އަތޮޅު ތެރެއިން 8 މީހަކާއި ހިންގަމުން އަންނަ ރިސޯޓުތަކުން 27 މީހަކާ ކަނޑު އުޅަނދުފަހަރުން އެކެކެވެ. ޖުމްލަ 215 މީހަކު މިއަދު ރާއްޖެއިން ފައްސި ވެފައިވެއެވެ.
މިހާރު ރާއްޖެއިން މިބައްޔަށް ޖުމްލަ 16،056 މީހުން ފައްސި ވެފައިވެއެވެ. އަދި ބަލިން ފަސޭހަ ވެފައިވަނީ ޖުމްލަ 14،190 މީހުންނެވެ. މިބަލީގައި ރާއްޖެއިން ނިޔާވި މީހުންގެ ޖުމްލަ އަދަދު މިހާރު 52 އެވެ.
ރާއްޖެއިން ކޮވިޑަށް ޓެސްޓު ކުރަން މިހާރު 413،766 ސާމްޕަލް ނަގައިފައި ވެއެވެ.
ވެކްސިން ޖަހުވަން ވެސް އަދަދު ގިނަ ކުރާނެ. އިދިކޮޅުން މުޒާހަރާ ކުރަން ހިފާލާފައި ހުރުމުން ވެސް ނަންބަރު މަތި ކުރާނެ!!