ރައީސް ސޯލިހުގެ ބަޔާނަކީ އުންމީދެއް ނެތް މާޔޫސީ ބަޔާނެއް: އަދުރޭ
މިއަހަރަށް ރައްޔިތުންގެ މަޖްލިސް ހުޅުވުމަށް ބޭއްވި ޖަލްސާގައި، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ދެއްވީ އެއްވެސް އުންމީދެއް ނެތް، މާޔޫސީ ބަޔާނެއް ކަމަށް އިދިކޮޅު ކޯލިޝަން ވަގުތީ ގޮތުން ހިންގެވުމާ ހަވާލުވެ ހުންނެވި، ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
އަބްދުއްރަހީމް މިހެން ވިދާޅުވީ ރައީސް ސޯލިހުގެ ބަޔާނާ ގުޅިގެން ކުރެއްވި ޓްވީޓެއްގައެވެ.
އެގޮތުން އަދުރޭ ވިދާޅުވީ ރައީސް މިއަދު އިއްވެވި ރިޔާސީ ބަޔާނުގައި އެކުލެވިގެން ވަނީ މުޅިން ވެސް އޮޅުވައިލުމާއި ދޮގާއި މަކަރާއި ހީލަތް ކަމަށެވެ.
"ރައީސް ޞާލިޙުގެ ރިޔާސީ ބަޔާނަކީ ދޮގާ މަކަރާ ޙީލަތުގެ މައްޗަށް ބިނާ ކޮށްފައިވާ އެއްވެސް އުންމީދެއް ނެތް މާޔޫސީ ބަޔާނެއް. ރިޔާސީ ބަޔާނުގެ ސަބަބުން ރާއްޖޭގެ ކުރިމަގަށް އޮތް ބިރުވެރިކަމާ ނުރައްކާތެރިކަން ހާމަވެއްޖެ. ރައްޔިތުން މިކަމާ އެބަ ވިސްނާ" އަދުރޭ ވިދާޅުވިއެވެ.
ރައީސް މިއަދު ރިޔާސީ ބަޔާން އިއްވެވިއިރު، އިދިކޮޅު މެންބަރުން ވަނީ އިހްތިޖާޖު ކޮށްފައެވެ. އަދި މަޖިލިސް ބޭރުގައި އިދިކޮޅު ސަޕޯޓަރުން ވެސް ވަނީ އިހުތިޖާޖު ކޮށްފައެވެ.
ތެދެއް ޓިނުސޯމެންއެކުރާ ކަންތަކުގަ ބުރަދަންހުރީ މިޔަދުވިސް މަޖިލިސްކުރާގެ ކައިރީގަ 4ކެނަޔާ ބާޓިނުގަޑަކާ ލަދުން ހަލާކް މިވެސް ބުރަދަނެތް