ރިޔާސީ ބަޔާނުގެ ވާހަކަ ތަކުގައި ކުލަ ޖެހުމަކީ ރައްޔިތުންގެ އެންމެ ބޮޑު އުންމީދު : ޝައިޚު ޒައިދު
ރިޔާސީ ބަޔާނުގެ ވާހަކަ ތަކުގައި ކުލަ ޖެހުމަކީ ރައްޔިތުންގެ އެންމެ ބޮޑު އުންމީދު ކަމަށް ޝައިޚު އަލީ ޒައިދު ވިދާޅުވެއްޖެއެވެ.
ޝައިޚު ޒައިދު މިހެން ވިދާޅުވެފައިވަނީ ރައްޔިތުންގެ މަޖިލީހުގެ 2021 ވަނަ އަހަރުގެ ފުރަތަމަ ދައުރުގެ ފުރަތަމަ ޖަލްސާގެ ރިޔާސީ ބަޔާން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު އިއްވުމާ ގުޅިގެންނެވެ.
ޒައިދު ކުރެއްވި ޓްވީޓެއްގައި ވިދާޅުވީ ރައީސް މިއަދު ޤައުމާ މުޚާތަބު ކުރައްވައި މަޖިލިސް ހުޅުވުމަށް ބޭއްވި ޖަލްސާގައި ދެއްވި ރިޔާސީ ބަޔާނުން އުންމީދު އާވެފައިވާ ކަމަށެވެ. އަދި އަމަލީ ގޮތުން އެވާހަކަފުޅު ތަކުގައި ކުލަ ޖެހުމަކީ ރައްޔިތުންގެ އެންމެބޮޑު އުންމީދު ކަމަށް ރައީސް ވިދާޅުވިއެވެ.
ރިޔާސީ ބަޔާނުގައި ރައީސުލް ޖުމްހޫރިއްޔާ ވިދާޅުވެފައި ވަނީ މާލޭގެ ބޯހިޔާވަހިކަމަށް ޙައްލެއް ހޯދުމަށް ރޭވި މަޝްރޫޢުތައް، ދިމާވި ބައެއް ސަބަބުތަކާ ހެދި މަޑު ޖެހުމަށް ފަހު، އެމަޝްރޫޢުތަކުގެ މަސައްކަތް މިހާރު ކުރިއަށްދާ ކަމަށެވެ.
“ރައީސްގެ ބަޔާނުން އުންމީދު އާވެއްޖެ! އަމަލީ ގޮތުން އެވާހަކަފުޅު ތަކުގައި ކުލަ ޖެހުމަކީ ރައްޔިތުންގެ އެންމެބޮޑު އުންމީދު! އިޖުތިމާއީ ގޮތުން މާލެ ސަރަހައްދަށް ބޯހިޔާވަހިކަން ވަރަށް ބޭނުން! އަދި އެ ލިބޭ ހިޔާ ވެއްސެއްގައި އެބަޔަކު އުޅޭކަން ވެސް ސަރުކާރުން ކަށަވަރު ކުރެވެން ވާނެ! ނޫނީ ހައްލެއް ނުވާނެ” ޒައިދު ވިދާޅުވިއެވެ.
މީނަ މާސިޔާސީވެގެން އުޅޭތީ ދެން ވަރަށް ފޫހިވެ