އޮރެންޖު ތޮށި: ނޭނގުނަސް ވަރަށް ފައިދާ ހުރި އެއްޗެއް!

މޫނުގައި ބިހި ނަގާތީ އެކަމާ ހާސްވެ ކަންބޮޑުވެ އުޅޭ މީހުން މަދެއް ނޫނެވެ. ޑޮކްޓަރުންގެ ލަފާއާއެކު އެކި ކަހަލަ ބޭސްތައް ، ކެއުމަށާއި، މޫނުގައި އުނގުޅުމަށް ބޭނުން ކުރެއެވެ. އެހެންނަމަވެސް މިއޮތީ ގޭގައި ހުރެލައިގެން އޮރެންޖުގެ ތޮށި ބޭނުންކޮށްގެން އެކަމަށް ހޯދިދާނެ ފަރުވާއެވެ.

Ads by Sosun Fihaara

އެގޮތުން މޫނުގައި އުނގުޅުމަށް މި“ފޭޝަލް” ތައްޔާރުކުރުމަށް ޓަކައި ބޭނުންވަނީ ތިރީގައި މިވާ ސާމާނެވެ.

• ޔޯގަޓް
• އޮރެންޖު
• ފިނިފެން

ތައްޔާރު ކުރާނެ ގޮތް: ޔޯގަޓާއި އޮރެންޖު ރަނގަޅަށް އެއްކޮށްލާށެވެ. އަދި ފުރިޖްގައި 15 މިނިޓް ބަހައްޓާފަ މޫނުގައި އުނގުޅާލާށެވެ. ބައިގަޑިއިރު ފަހުން މޫނު ސާފު ކޮށްލާށެވެ. ސާފު ކުރުމަށްޓަކައި އޮރެންޖު ތޮށިވެސް ބޭނުން ކުރެވިދާނެއެވެ.

މި ފޭޝަލް ތައްޔާރު ކުރަންވީ މައިގަނޑު ސަބަބަކީ ދިވެހި ރާއްޖެ އަކީ އިންތިހާއަށް ހޫނުގަދަ ގައުމަކަށް ވެފައި، އިރުގެ ދަޅަތަކުން އިންސާނުންގެ މަޑު ހަނގަޑަށް ތަފާތު އަސަރު ކުރާތީއެވެ. އޮރެންޖު ބޭނުންކޮށްގެން ތައްޔާރުކުރެވޭ މި ފޭޝަލް އަކީ މިކަމަށް އޮތް އެންމެ ރަނގަޅު ފަރުވާކަން ގައިމެވެ.

އޮރެންޖަކީ އެންމެ ގިނަ ވިޓަމިން ސީ އެކުލެވިގެންވާ މޭވާއެވެ. އަދި ހަންގަނޑުގެ ކުލަ ރީތިކޮށް ދިނުމަށް ވެސް އެހީވެދޭ މާއްދާއެއް ވެސް މެއެވެ. ވިޓަމިން އީވެސް އޮރެންޖު ފޭޝަލްގައި ހިމެނެއެވެ. އަދި އިރުގެ ޔޫވީ ރޭސްތަކުން ހަލާކުވެފައިވާ ހަމަށް ރީތި ކުލަ ގެނެސްދޭނީ ވެސް އޮރެންޖު ފޭޝަލްއިންނެވެ. ހަމައެއާ އެކު މޫނުގައިވާ ބިހިތަކުގެ ފަރުވާއަކަށް ވެސް އޮރެންޖު ވެއެވެ.

ބިހިތަކުގެ ފަރުވާ ބޭނުންނަމަ ބުނެވިދިޔަ ތަކެތީގެ ތެރެއަށްމާމުއި ސަމްސަލެއް އެއްކޮށް ، ބޭނުން ކުރާށެވެ.