މިއުޒިކް އަޑުއަހާލާ، މަޖާނަގާނެ ޖަގަހަތައް ހެދުމަށް ގޮވާލި ޤަރާރު މަޖިލީހުން ބަލައިގެންފި
މާލޭގައި ޒުވާނުން ހިތް ފަސޭހަ ކޮށްލައި މުނިއަވަސް ފިލުވައި ހާސްކަމެއް ނެތި މަޖާކޮށް މިއުޒިކު ކުޅެ މިއުޒިކު އަޑުއަހައި ނަށާލާނެ މަރުކަޒެއް ޤާއިމުކުރުމަށް ގޮވައިލާ ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާ މެންބަރު ޙަސަން ލަޠީފު ހުށަހެޅުއްވި ޤަރާރު މަޖިލީހަށް ބަލައިގަނެފިއެވެ.
ހެންވޭރު ހުޅަނގު ދާއިރާގެ މެންބަރު ޙަސަން ލަޠީފް ހުށައަޅުއްވާފައިވާ ޤަރާރަށް ގިނަ މެންބަރުން ބަހުސް ކުރައްވާފައިވާއިރު އާންމުންގެ ގިނަ ބައެއްގެ ފާޑު ކިޔުން ވެސް ވަނީ އަމާޒުވެފައެވެ.
ގަރާރު މަޖިލީހަށް ބަލައިގަންނަން ފާސްކުރީ މަޖިލީހުގެ ވޯޓުގައި ބައިވެރިވި 37 މެމްބަރުންގެ ތެރެއިން 34 މެމްބަރުންގެ ވޯޓާ އެކުގައެވެ.
ލަތީފް ވިދާޅުވީ އެ ޤަރާރުގެ އެންމެ ބޮޑު ބޭނުމަކީ އެ ހުނަރާ ގުޅޭ އެކިކަންކަން ކުރެވޭނެ މާހައުލެއް ޤާއިމް ކުރުން ކަމަށެވެ. އަދި ޒަމާނުއްސުރެ މާލެއަށް ދިމާވެފައިވާ އިޖްތިމާޢީ މައްސަލަތަކަކީ އެމައްސަލަތަކުން މުޅީން އަރައިގަތުމަށް އިންތިހާއަށް ދަތިވެފައިވާ މައްސަލަތަކެއް ކަމަށެވެ.
ޒުވާނުންނަށް ރައްޓެހިންނާއި އެކުވެރީންނާއެކު ހީ، ސަމާސާކޮށް، މަޖާކޮށްލެވޭ ފަދަ މާހައުލެއްގައި މިޔުޒިކް އަޑުއަހާލައި ވަގުތު ހޭދަ ކޮށްލެވޭނޭ މަރުކަޒަކަށް އިންތިހާއަށް ބޭނުންވެފައިވާ ކަމަށް ލަތީފް ވިދާޅުވިއެވެ. އަދި އެ ޤަރާރު ފާސް ވުމުން، މިއުޒިކް ރެކޯޑިންގް ސްޓޫޑިޔޯއާއި ބޭންޑް ޕްރެކްޓިސް ރޫމް ފަދަ ވަސީލަތްތައް އެމަރުކަޒުގައި ހުންނާން ޖެހޭ ކަމަށް ބުނެފައިވެއެވެ.
ހަމ ސީދ ނައިޓ ކްލަބްތަކ ދިމާލަށ މިސްރާބ އހެރ އަހަރެނ ރައްޔަތުންނަށ ގޮވާލަނ .ކެނެރީގ ނަޝީދ އެތަނުނ ނެރ ހިފާހައްޔަރުކޮށްތަނުނ ނެރުމަށް