ހިޔާ ފްލެޓުތަކުގެ އެންމެ ކުޑަ އަގަކީ މަހަކު 7000 ރުފިޔާ: މިނިސްޓަރު އަސްލަމް
ހިޔާ ފްލެޓުތައް ލިބޭ ފަރާތްތައް ޑައުން ޕޭމަންޓު ދެއްކުމަށް ފަހު، މަހުން މަހަށް ދައްކަން ޖެހޭނީ 7000 ރުފިޔާ ކަމަށް ނޭޝަނަލް ޕްލޭނިން، އިންފްރަސްޓްރަކްޗާ އެންޑް ހައުސިން މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.
މިނިސްޓަރު އަސްލަމް މިހެން ވިދާޅުވީ ރައްޔިތުންގެ މަޖިލިހުގެ ޖަލްސާގައި މެންބަރަކު ކުރެއްވި ސުވާލެއްގެ ޖަވާބުގައި ވާހަކަ ދައްކަވަމުންނެވެ.
މިނިސްޓަރު ވިދާޅުވީ ހިޔާ ފްލެޓަށް ފައިސާ ދައްކަވަން ހަތަރު ގޮތެއް އޮންނާނެ ކަމަށާއި އެ ހަތަރު ގޮތުން ކުރެ، އެންމެ ކުޑަ އަގަކީ މަހަކު 7000 ރުފިޔާ ކަމަށެވެ. އަދި މަހަކު 7000 ރުފިޔާ ދައްކާނަމަ، ފްލެޓަށް ވަނުމުގެ ކުރިން ޑައުންޕޭމަންޓުގެ ގޮތުގައި ކޮންމެވެސް މިންވަރެއް ދައްކަން ޖެހޭނެ ކަމަށް ވެސް މިނިސްޓަރު ވިދާޅުވިއެވެ.
"އެއީ ޑައުންޕޭމަންޓުގެ ކޮންމެވެސް މިންވަރެއް ދައްކާފަ، 20 އަހަރަށް ދައްކާކަމަށް ވާނަމަ. ދެން އެއްވެސް ޑައުންޕޭމަންޓެއް ނުދައްކާ ކަމަށް ވަންޏާ ޖެހޭ ވަރެއް ވެސް އެބައޮތް. އަދި ފުލީ ޕޭ ކުރާކަމަށްވާ ނަމަ ވާ ގޮތް ވެސް އެބައޮތް" މިނިސްޓަރު ވިދާޅުވިއެވެ.
މިނިސްޓަރު އިތުރަށް ވިދާޅުވީ އަގުތަކެއް ކަނޑައެޅިފައިވާ ކަމަށާއި އެޗްޑީސީން ފޮނުވާފައިވާ ޕްރޮޕޯސަލް އަދި ނިންމަން ޖެހޭ ކަމަށެވެ.
ތިންކޮޓަރިތަންތަން 7000 ރުފިޔާއަށް ދޫކޮށްފަހުރި 2 ކޮޓަރި ކޮތަރުކޮށި 7000 ރުފިޔާއަށްވީމަ އޯގާތެރިސަރުކާރުގެ އޯގާތެރިކަން ހުރި މިނވަރު ރައްޔިތުންނަށް މިހާރު އެގިއްޖެ ތީބޮޑުވަރު
ނިކަމެންނަށް ނިކަމެތި ގޮތް އަބަދު ވެސް 2 ކޮޓަރި 7000 ވީމަ އެއޮތީ ބޮޑު ތަނުން އަގު ހެެޔޮކޮއްފަ ދެން ތިބެން ތާޖެހޭނީ
3 ކޮޓަރި 7000 ރުފިޔާއަށް ދޭގޮތަށް ހަމަޖެހިފައި އޮތީ
7000 ރުފިޔާއަށް 2 ކޮޓަރި ދޭއިރު ތަން ހުރީ ނުނިމި، ވަދެފަ އަމިއްލައަށް ދޮރުފަތް ހަރުކޮށް ޓައިލްސްޖަހާ ލައިޓުވެސް ހަރުކުރަންޖެހެނީ… ވަރަށް އޯގާތެރި ސަރުކާރެއްދޯ… އަދިވެސް ވޯޓްލާތިި މި ބައިގަޑަށް…
ތިންކޮޓަރިތަންތަން 7000 ރުފިޔާއަށް ދޫކޮށްފަހުރި 2 ކޮޓަރި ކޮތަރުކޮށި 7000 ރުފިޔާއަށްވީމަ އެއްވެސް އޯގާތެރި އެއް ނުވި . ސަރުކާރުގެ ދަހި ކަން އެގެނީ
ލާރި ބޭނުންވިޔަސް މީ ބޮޑުވަރު. ތިވިސްނުން ބަދަލުކޮށް ރައްޔިތުންނަށް ލުއިގޮތެއް ހޯދައިދީ. ގޭގޭގަ މަހު ކުއްޔަށް ކުދިން ބައިތިއްބަނީވެސް 3000ރ އަށް. ވީމާ ފްލެޓް ލިބިގެންވެސް މިޖެހެނީ އެހާލުގަ.