ކޮވިޑް-19: އައްޑޫން އިތުރު މީހަކު ފައްސިވެއްޖެ

އައްޑޫސިޓީން އިތުރު މީހަކު ކޮވިޑް-19 އަށް ފައްސި ވެއްޖެއެވެ.

Ads by STELCO

އައްޑޫސިޓީން މިއަދު ފައްސި ވެފައިވަނީ ހިތަދޫގައި ކަރަންޓީނުގައި ހުރި މީހެކެވެ.

އެނގިފައިވާ ގޮތުގައި އެމީހާއަކީ އޭވިއޭޝަން ސެކިއުރިޓީ ކޮމާންޑުގެ ޓްރެއިނިންއަށް ދިޔަ މީހުންނާ ގުޅުން ހުރި އިހަލުން ކޮވިޑް-19 އަށް ފައްސިވެފައިވާ މީހެކެވެ.

އައްޑޫސިޓީން މިހާރު ކޮވިޑް-19 އަށް ފައްސިވެފައި ވަނީ ހިތަދޫއިން 21 މީހަކާއި، މަރަދޫ ފޭދޫއިން 4 މީހުންނާއި އަދި ފޭދޫއިން 14 މީހެކެވެ.

ރާއްޖޭގައި މިދުވަސްކޮޅު އަނެއްކާވެސް މިބަލި ފެތުރުން އަންނަނީ އިތުރުވަމުންނެވެ. އެގޮތުން އިއްޔެގެ ޑޭޓާއަށް ބަލާއިރު ވެސް ރާއްޖެއިން މުޅިއަކު 127 މީހުން ކޮވިޑަށް ފައްސިވެފައި ވެއެވެ. އޭގެ ތެރެއިން 98 މީހުން ފައްސިވީ މާލެއިންނެވެ. އަތޮޅު ތެރެއިން ފައްސިވީ 10 މީހުންނެވެ.