ނައިބު ރައީސް ފައިސަލް ނަސީމް ހޮސްޕިޓަލުގައި އެނދުމަތިކޮށްފި

ނައިބު ރައީސް ފައިސަލް ނަސީމްގެ ހާލުކޮޅު ބޮޑުވެ ހޮސްޕިޓަލުގައި އެނދުމަތި ކޮށްފިއެވެ.

Ads by Hajj Corporation

އެމަނިކުފާނު ހޮސްޕިޓަލުގައި އެނދުމަތި ކޮށްފައިވަނީ ރޭގެ ވަގުތެއްގައެވެ. އެމަނިކުފާނަށް ފަރުވާ ދެމުން ގެންދަނީ ދަރުމަވަންތަ ހޮސްޕިޓަލުގައި ކަމަށް މައުލޫމާތު ލިބެއެވެ.

މިކަމާ ގުޅިގެން "ދެން"އާ ވާހަކަ ދައްކަވަމުން ރައީސް އޮފީހުގެ ތަރުޖަމާނު މަބްރޫކް އަޒީޒު ވިދާޅުވީ، ހޮސްޕިޓަލަށް ގެންދިޔައީ ކޮންކަމަކާ ގުޅިގެން ކަން ސީދާ އެނގިވަޑައި ނުގަންނަވާ ކަމަށާއި އެހެން ނަމަވެސް މިވަގުތު ޑޮކްޓަރުން ބައްލަވަމުން އަންނަ ކަމަށެވެ.

މީގެ އިތުރުން، އެމަނިކުފާނުގެ ކޮވިޑް ޓެސްޓު ވެސް ހެދިފައިވާ ކަމަށާއި ނަތީޖާ ނައްސި ކަމަށް ވެސް މަބްރޫކް ފާހަގަ ކުރެއްވިއެވެ. އަދި އެނދުމަތި ކުރެވިފައި ވީ ނަމަވެސް އެމަނިކުފާނުގެ ހާލުކޮޅު މިހާރު ރަނގަޅު ކަމުގައި ވެސް މަބްރޫކް ވިދާޅުވިއެވެ.