ކޮވިޑް ވެކްސިން ގަތުމަށް އިންޑިއާގެ ސިރަމް އިންސްޓިޓިއުޓާއެކު ސަރުކާރުން ސޮއި ކޮށްފި
ކޮވިޑް-19 ވެކްސިން ހޯދުމަށްޓަކައި ދިވެހި ސަރުކާރާއި އިންޑިއާގެ ސިރަމް އިންސްޓިޓިއުޓާ އޮފް އިންޑިއާ ލިމިޓެޑާއި ސިރަމް އިންސްޓިޓިއުޓް އޮފް ލައިފް ސައިންސް ޕްރައިވެޓް ލިމިޓެޑާ ދެމެދު އެއްބަސްވުމެއްގައި ސޮއި ކޮށްފިއެވެ.
ސަރުކާރުން އެކަން ހާމަ ކޮށްފައި ވަނީ މާލިއްޔަތު ޤާނޫނުގެ ބައެއް މާއްދާތަކަށް އަމަލުކުރުން މަޑު ޖައްސާލުމަށް ނިންމައި އެކަން ހާމަކޮށް ނެރުނު ޤަރާރުގައެވެ.
ފިނޭންސް މިނިސްޓްރީގެ މި ޤަރާރުގައި ބުނެފައި ވަނީ ވެކްސިން ހޯދުމަށްޓަކައި ދިވެހި ސަރުކާރާއި އިންޑިއާގެ ސިރަމް އިންސްޓިޓިއުޓް އޮފް އިންޑިއާ ލިމިޓެޑާއި ސިރަމް އިންސްޓިޓިއުޓް އޮފް އިންޑިއާ ލިމިޓެޑާއި ސިރަމް އިންސްޓިޓިއުޓް އޮފް ލައިފް ސައިންސްއާ ދެމެދު އެއްބަސްވުމެއްގައި ސޮއި ކުރެވިފައިވާ ކަމަށެވެ.
އިންޑިއާގެ ސިރަމް އިންސްޓިޓިއުޓާ ދެމެދު ވެވުނު އެއްބަސްވުމަކީ ކިހާ އަދަދެއްގެ ވެކްސިނެއް ގަތުމަށް ވެވުނު އެއްބަސްވުމެއް ކަމެއް ސަރުކާރުން ހާމަ ކޮށްފައެއް ނުވެއެވެ.
އިންޑިއާއިން ރާއްޖެއަށް މިހާރުވެސް ވަނީ ދެ ލައްކަ ޑޯޒް ވެކްސިން ހަދިޔާ ކޮށްފައެވެ. އަދި އޭގެ އިތުރުން ސަރުކާރުން ވަނީ ވެކްސިންގެ 7 ލައްކަ ޑޯޒް ގަތުމަށް ސިންގަޕޫރުގެ ކުންފުންޏަކާ އެކު ވެސް އެއްބަސްވުމެއްގައި ސޮއި ކޮށްފައެވެ.
މީގެ އިތުރުން ޗައިނާއިން ވެސް ވަނީ ރާއްޖެއަށް ހިލޭ ދެ ލައްކަ ވެކްސިން ޑޯޒް ދޭނެ ކަމަށް ހާމަ ކޮށްފައެވެ.
އިތުރު ތަފްސީލް އަންނަނީ..
ފައިޒާއޭ ކިޔައިގެން ފޮނިކަޑާފަ، އެންމެ ފަހުން އިންޑިޔާގެ ގެރި ވެކްސިން ދޯ މިގެނައީ……