ގެންގުޅޭ ހުދުކުލައިގެ ޓީޝާޓް ހަޑިވީތަ؟ ހާސްވާނެ ކަމެއް ނެތް، މިއޮތީ ހައްލު

ހުދު ހެދުމަކީ މިހާރުގެ ފެޝަނެކެވެ. ހުދުކުލައިގެ އަބާޔާ އާއި ޓީޝާޓުގެ އިތުރުން ހުދު ޖީންސަކީ ކޮންމެ މީހެއްގެ އަތުގައި ވެސް އޮންނަން ޖެހޭ އެއްޗަކަށް ވަނީ ވެފައެވެ. ނަމަވެސް ގިނަ ބަޔަކު ހުދު ހެދުން ކިތަންމެ ރީތި ވިޔަސް ލާން ބޭނުން ނުވެއެވެ. މާ އަވަސް އަވަހަށް ހަޑި ވަނީ އެވެ. ކުލަ ބަދަލު ވަނީއެވެ. ނަމަވެސް މިއީ ހާސް ވާން ޖެހޭ ކަމެއް ނޫނެވެ.

Ads by Sosun Fihaara

ލުނބޯ ބޭނުންކޮށްގެން ހުދު ކުލައިގެ ހެދުމުގެ ކުލަ އާ ކުރެވިދާނެއެވެ. މިގޮތަށް ހުދު ކުލައިގެ ހެދުމެއްގެ ކުލަ އާ ކުރުމަށްޓަކައި ފުރަތަމަ ފެން ހޫނު ކުރާށެވެ. ތެއްޔެއްގެ ތެރެއަށް ފެން އެޅުމަށް ފަހު ފެން އެތި ރަނގަޅަށް ހޫނު ވުމުން އޭގެ ތެރެއަށް ލުނބޯ ފޮތި ކޮށް ކޮށްލުމަށްފަހު އަޅާށެވެ. އަދި ކުލަ އާ ކުރަން ބޭނުންވާ ހުދު ކުލައިގެ ހެދުން އެޅުމަށް ފަހު 5 މިނިޓް ވަންދެން މަޑު ގިނީގައި ކައްކާށެވެ. އޭގެ ފަހުގައި ޓީޝާޓު ކުޑަކޮށް ހިކެންދެން މަޑު ކުރުމަށް ފަހު މެޝިނުން ރީތިކޮށް ދޮވެލާށެވެ.

މި ގޮތަށް ހެދުމުން އެ އެއްޗެއްގައި ހުރި ބާ ކުލަ ބަދަލުވެ ސާފު ހުދުކުލަ އަރާނެއެވެ. އެހެންކަމުން ހުދު ހެދުން ލާން ޖެހިލުންވާން ދެން ނުޖެހޭނެއެވެ. ދެތިން ފަހަރު ލުމަށްފަހު ހެދުން ބޭކާރު ކުރަން ނުޖެހޭނެއެވެ.