18 އަހަރު ނުފުރޭ ކުޑަ ކުދިން ކުރި ކަމެއް ބަލަން ޖެހޭނީ އެކުދިންނަށް ނުވިސްނި ކުރި ކަމެއްގެ ގޮތުގައި: އީވާ
ޤާނޫނީ ގޮތުން 18 އަހަރު ނުފުރެންޏާ ބަލަން ޖެހޭނީ ކުޑަކުދިންގެ ގޮތުގައި ކަމަށް ގަލޮޅު އުތުރު ދާއިރާގެ މެންބަރު އީވާ އަބްދުﷲ މިއަދު ވިދާޅުއްޖެއެވެ.
ލައިސަންސް ނެތި ޖޫރިމަނާ ކޮށްފައިވާ ފަރާތްތަކުގެ ޖޫރިމަނާއަށް ލުޔެއް ހޯދައިދިނުމަށް ގޮވާލައި އެމްޑީޕީގެ ޗެއަރޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ރައްޔިތުންގެ މަޖިލީހަށް ހުށަހެޅުއްވި މައްސަލައަށް ވާހަކަފުޅު ދައްކަވަމުން އީވާ ވިދާޅުވީ، މިއަދު ރާއްޖޭގައި އޮތް ސިޔާސަތަކީ ލައިސެންސް ނުލާ ސައިކަލު ދުއްވުމުން މުޅި އުމުރު ދުވަހު އެކަމާ ތެޅި ފޮޅެން ޖެހޭ އުސޫލެއް ކަމަށާއި ލައިސެންސް ނުލާ ސައިކަލު ދުއްވައިގެން އެތަކެއް ޒުވާނުންނެއް މިއަދު ތާށިކޮށްލައިފައިވާ ކަމަށެވެ.
"ރައީސް ޔާމީންގެ ވެރިކަމުގައި އެތައް ދިވެހި ޒުވާނުންތަކަށް ލައިސެންސް ނުލާ، ސައިކަލު ދުއްވައިގެން ތާއަބަދަށް އެމީހުން ތާށި އެބަ ކޮށްލެވޭ. މަތިމައްޗަށް ޖޫރިމަނާ އަރާ ގޮތަށް ލައިސެންސް ހިފަހައްޓާފައި، ނުވިތާކަށް ޖޫރިމަނާއެއް އޮތީއޭ ކިޔާފައި، މީހަކާ ކައިވެނި ކުރެވެނީކީ ނޫން، ވަޒީފާއަކަށް ދެވެނީއެއް ނޫން. ވަޒީފާއަކަށް ނުދެވޭހާ ދުވަހަކު ޖޫރިމަނާ ދެއްކެނީއެއް ނޫން، ވަޒީފާއެއް ނުދެވޭހާ ދުވަހަކު އަމިއްލަ ވިޔަފާރިއެއް ފެށެނީކީ ނޫން" އީވާ ވިދާޅުވިއެވެ.
އީވާ މިހެން ވިދާޅުވި ނަމަވެސް ގަވައިދާ ހިލާފަށް ސައިކަލު ދުއްވައިގެން ކޮށްފައިވާ ޖޫރިމަނާތަކަކީ ސާބިތު ދަރަނި ކަމަށް ނުވާތީ އެފަދަ ޖޫރިމަނާ ނުދައްކާ ތިބި މީހުންނަށް ވެސް ރާއްޖޭގެ ޤާނޫން ބުނާ ގޮތުން ކައިވެނި ކުރެވެއެވެ.
އީވާ އިތުރަށް ވިދާޅުވީ، މީގެ ކުރިން ރާއްޖޭގައި ބައްތި ނުދިއްލާ ބައިސްކަލު ދުއްވުމުން ފުލުސް އޮފީހަށް ގެންގޮސް އަނިޔާކޮށް ޖަލަށްލާ ހަދާ ކަމަށާއި އެކަމުގެ ސަބަބުން މިއަދު އެތައް ޒުވާނުންގެ މުސްތަޤްބަލް ގެއްލިފައިވާ ކަމަށެވެ.
"ބަައްތި ނުދިއްލައިގެން ހައްޔަރު ކުރާ މީހާ ފުލުސް އޮފީހަށް ގެންގޮސް މޭޒުމަތީގައި އޮންނަ ބަރަކުން ޖަހާ އިޢުތިރާފް ބަޔާނެއް،(ނަގާ) " ކަމަށް ވިދާޅުވެ އީވާ ވިދާޅުވީ 13، 14 އަހަރުގެ ކުއްޖާ ޖަލަށް ލުމުން އެތަނުން މާރާމާރީ ހިންގަން އެކުއްޖާ ދަސް ކުރާ ކަމަށާއި އަދި ޑްރަގް ބޭނުން ކުރަން ކުއްޖާއަށް މަޖުބޫރު ކުރުވާ ކަމަށެވެ.
އީވާގެ ވާހަކަފުޅުގައި ވަނީ ރިސޯޓްތަކުގެ އޯނަރުންނަކީ އިޤްތިޞާދުގެ ބިންގާ ކަމަށްބުނެ ޖޫރިމަނާ މަޢާފް ވާނެ އުސޫލުތައް އޮންނައިރު، ކުޑަ މިއަދު ޖޫރިމަނާ ކުރާ ކުޑަކުދިންނަކީ މުސްތަޤްބަލުގައި އިޤްތިޞާދު ބިނާ ކުރާނެ ބަޔަކަށްވީތީ ޖޫރިމަނާ މަޢާފްވާނެ އުސޫލެއް އޮންނަން ޖެހޭ ކަމަށެވެ.
އިތުރަށް އީވާ ވިދާޅުވީ، ލައިސެންސް ނެތި ޖޫރިމަނާކޮށްގެން އަދަބު ދޭން ޖެހޭނެ ކަމަށާއި ނަމަވެސް ދޭން ޖެހޭނީ ކުށާ ބައްދަލު އަދަބެެއް ކަމަށެވެ. މިގޮތުން މަގުމަތި ސާފު ކުރުންފަދަ މުޖުތަމައަށް ޚިދުމަތް ދިނުން ފަދަ ކަންކަން މި ފަދަ ފަރާތްތައް ލައްވާ ކުރެވިދާނެ ކަމަށް ވެސް އީވާ ވިދާޅުވިއެވެ.
އީވާ މެޑަމް. 18 އަަހރު ދަށުގެ ތެރޭގައި ހިމެނޭ 15 – 18 އަހަރާ ދެމެދުގެ ކުދިންނަކީ ހަމަ ތަންދޮރު އެނގޭނޭ ކުދިން އެކުދިންގެ ތޭޜޭގައި ސިކުނޑި އުނި ނޫން ހަމަ ކޮންމެ ކުއްޖަކީ ހަމަވިސްނޭ އަދި ބައެއް ފަހަރު ތަކުގައި ޢާންމުމިންގަދު ތަކުން ބަލަޢިރު ހަމަރަނގަޅާށްވެސް ތަންދޮރު ދަންނަ ކުދިންނަށް ވެފަ އެބަތިބޭ. އެހެންވީމާ އެކުދިން ކުރާ ކަންތަކުގެ ޒިންމާ އުފުލުމާ ޝަރުޢީ ޙައްދުތައް ޤާއިމް ކުރުމާ ޤާނޫނީ އަދަބުތަށް ދިނުމުގައި ވެސް ކޮންމެސް ވަރެއްގެ ވިސްނުމެއް ގެންގުޅުން ހަމަބޭޏުން. އިސްލާމް ދީނުގައި 15 ތަޞާއްރަފު ފުދި މުކައްލަފަކަށް ވުމޭ އެބުނަނީ ހަމަ ބަހެއް ބުނެލަންވެގެން ބުނެފަ އޮތް ބަހެއް ނޫން. ތިބޭފުޅުންވެސް ތަޞާއްރަފު ފުދެން ވެއްޖެހެން ހީވަނީ މިކަހަލަ ކަންތައްތަކުގައި
18 އަހަރުވިޔަސް ނުވިޔަސް ދިވެހި ހުރިހާ ރައްޔިތުންނަކީ ހުރިހާ ވެހިކަލްއެއް ރާއްޖޭގައި ދުއްވޭނެ ބައެއްކަން ޤާނޫނުގައި ލިޔަންވީ
ހަޔާތް ކުޑަ އެއްޗެއް. އިންޑިއާ ގެރިން ގެނެސް ލިވިންގ އެލަވަންސަށް 48000 އިން ދީފ ލައްކައިން މުސާރަ ދީފަ މަގާމުތަކުގަ ބައިތިއްބާފަ ދިވެހި ކުދިން ނެރެންވީ ކުނި ކަހަން؟ ލަދު ކޮބާތަ؟ ކުނި ކަހަން އެކަންޏެއް ނޫން ގެރިން ތިބި ވަޒީފާތަކަށްވެސް ދިވެހި ކުދިންނަށް ދީބަލަ. ކެރޭނެތަ؟
18 އަހަރު ނުފުރުނަސް ކުރާކުށާ އެއްވަރުގެ އަދަބު ދޭންއެބަޖެހޭ.ނޫންނަމަ ކުރާުކުށްތައް ވަނީއިތުރު.
ކިހާ ބޮޑުކަމެއް، ގާނޫން އަސާސީ އުވާލާފަ ކަލޭމެން ތިކިޔާ ވައްތަރަކައް ތެޅެން މިތަނުން ދާންވީނު….. ވޯޓް ދީގެން ހޮވާފަ ބޮޑުމުސާރަ ދީފަ ތިބި މީހުންގެ ފެންވަރު……. ކަލޭމެން ނައް ތިދޭ މުސާރަ މަގުމަތީ ކުނިކަހަން އުޅޭމީހުންނައް ދިނަސް މާހަލާލުވާނެ…..