ހިޔާ ފްލެޓަށް އެންމެ އަވަހަށް ވެސް ވަދެވޭނީ ތިން މަސް ފަހުން
ހިޔާ ފްލެޓްތަކުގެ ހައްގުވެރިންނަށް ފްލެޓްތަކަށް އެންމެ އަވަހަށް ވެސް ވަދެވޭނީ ތިން މަސް ފަހުންކަމަށް މިނިސްޓަރ އޮފް ނެޝަނަލް ޕްލޭނިންގ ހައުންގ އެންޑް އިންފްރާސްޓްރަކްޗަރ މުޙައްމަދު އަސްލަމް ވިދާޅުވެއްޖެއެވެ.
ރައީސް އޮފީހުގައި މިއަދު ކުރިއަށް ގެންދިޔަ ނޫސްވެރިންގެ ބައްދަލުވުމުގައި މިނިސްޓަރ އަސްލަމް ވިދާޅުވީ ހިޔާ ފްލެޓުގެ ގުރުއަތު ނެގުން މާދަމާ ފެށޭނެ ކަމަށެވެ.
އަދި ފްލެޓްތައް ލިބުނު ފަރާތްތަކުގެ މެދުގައި މާދަމައިން ފެށިގެން ގުރުއަތު ލައި، ލިބޭނީ ކޮން ފްލެޓެއްތޯ ޔަގީން ކުރަމުންދާ ކަމަށާއި މިމަސައްކަތް ނިންމައި، ފްލެޓްތަކުގައި މުށި ޖެހުމާއި، އެ ނޫން ވެސް ހުރި ކުދި ކުދި މަސައްކަތްތައް ނިންމުމަށް ފަހު މީހުން ތަނަށް ވަންނަން ތިން މަސްވަރު ވާނެކަމަށް މިނިސްޓަރު ވިދާޅުވިއެވެ.
ހިޔާ ފްލެޓުތަކުގައި ޓައިލްސް ޖެހުމާއި ކޮޓަރި އަދި ފާހާނާ ތަކުގެ ދޮރު ހަރު ކުރުމާއި ބޮކި ފަންކާ ހަރުކުރުމުގެ މަސައްކަތް ކުރަން ޖެހޭނީ ފްލެޓު ލިބޭ މީހުން އަމިއްލައަށެވެ.
މިނިސްޓަރު އަސްލަމް ވިދާޅުވީ ފްލެޓުތަކުގެ ގުރުއަތު ނެގުމަށްފަހު، ފްލެޓު ލިބޭ މީހުންނާއެކު އެޗްޑީސީން އެއްބަސްވުން އެކުލަވާލާނެ ކަމަށާއި އޭގެ ފަހުން އެ ތަންތަނަށް ވަނުމަށް ކުރަންޖެހޭ ކަންތައް ކުރަން ތިން މަސް ދޭނެ ކަމަށެވެ.
މިނިސްޓަރ އިތުރަށް ވިދާޅުވީ ހިޔާ ފްލެޓްގެ ތެރެއިން ފަންނީ މީހުންނަށް ލިބުނު ފްލެޓް ސަރުކާރުގެ އެހެން މަޝްރޫޢުއަކަށް ބަދަލު ކުރަން ހުޅުވާލި ފުރުސަތުގައި މިހާތަނަށް ކޮންމެވެސް ވަރަކަށް މީހުން އެދިފައިވާ ކަމަށެވެ.
އަޖައިބެކޭ. ކޮންހާ ގޭސް ގަނޑެއްތޯ ތިޔަ އަބުރަނީ. ތިޔަ ފްލެޓްތަކުން މަސްހުނި މޮޑެބަލަ.
ވެރިން އާއި ބޮޑުން ދުނިޔޭގެ ގޯތި ހިފެއިގެން އުޅޭނީ ކިހާ ދުވަހަކުބާ!
މިވެސް މިދަނީ ބޮޑު އޮޅުވާލުމެއްގެ ތެރެއިން