އިންޑިއާގެ ހާލަތު ވަރަށް ގޯސް، މަރުވެފައިވާ މީހުންގެ ހަށިތައް އުފުލަނީ ކުނި ލޮރީތަކުގައި
މިދިޔަ އަހަރު ކޮވިޑް-19 ފެތުރެން ފެށިއިރު، އިންޑިއާ ފާހަގަ ވެގެން ދިޔައީ ކޮވިޑް-19 ވަރަށް ބޮޑަށް ކޮންޓްރޯލް ކުރި ޤައުމެއްގެ ގޮތުގައެވެ. މިގޮތުން ފުލުހުންނަށް "ލަކުނޑިބުރި" ދީ މަގުތަކަށް އެމީހުން ނެރެ، އިންޑިއާގައި ކާފިޢު އިޢުލާން ކުރުމުގެ ނަތީޖާއަކަށް ވެގެންދިޔައީ އެޤައުމުގައި ކޮވިޑް-19ގެ ކޭސްތައް އިންތިހާއަށް މަދުވުމެވެ. ނަމަވެސް މިދިޔަ އަހަރުގެ ސެޕްޓެންބަރު މަހުން ފެށިގެން އެޤައުމުގައި ދޭން ފެށި ލުއިތަކާއެކު، މިއަދު އިންޑިއާގެ ހާލަތު މިވަނީ ބޮއްސުންލާފައެވެ.
އިއްޔެ އެކަނި ވެސް އިންޑިއާގައި ކޮވިޑް-19 2 ލައްކައަށްވުރެ ގިނަ މީހުންނަށް ވަނީ ޖެހިފައެވެ. މިއާއެކު އެޤައުމުން 14 މިލިޔަން މީހުންނަށް ވަނީ މި ބަލި ޖެހިފައެވެ. އަދި 173,178 މީހުން މިބަލީގައި ވަނީ ނިޔާވެފައެވެ. އިންޑިއާގައި ކޮވިޑް-19 ފެތުރުން ކުއްލިއަކަށް އިތުރުވެެގެން ގޮސްފައި ވަނީ ހިންދޫ ދީނުގެ މީހުން ފާހަގަ ކުރަމުން އަންނަ ބައެއް ފެސްޓިވަލްތައް ބޮޑެތި މާލަންތަކުގައި ގައިދުރުކަމެއް ނެތި ބޭއްވުމުގެ ސަބަބަބުންނެވެ. އިންޑިއާގެ ބައެއް ސިޓީތައް އަނެއްކާވެސް ލޮކްޑައުންއަކަށް ގޮސްފައިވާއިރު، ވެރިރަށް ނިއުދިއްލީ 2 ދުވަހުގެ ކާފިއުއަކަށް ދާން ވަނީ ނިންމާފައެވެ.
އިންޑިޔާގެ ބައެއް ސްޓޭޓްތަކުގެ ހާލަތަށް ބަލާލާއިރު، އެޤައުމުގެ ހަސްފަތާލުތަކުގައި އެނދުތައް ފުރި މިހާރު ވަނީ ބާރުވެފައެވެ. އަދި އެޤައުމުގައި ކޮވިޑް-19 ޖެހޭ މީހުންނަށް އޮކްސިޖަން ލިބުމުގެ ދަތިކަން ހުރުމާއެކު، ގިނަ ބަޔަކު ދަނީ މަރުވަމުންނެވެ. ޚާއްސަކޮށް ވަކިން އޮންނަ ކުދި ސަހަރުތަކުގައި ކޮވިޑް-19ގެ ހާލަތު ވަަރަށް ބޮޑެވެ. މިގޮތުން ބައެއް ސަރަހައްދުތަކުގައި މަރުވާ މީހުން ގެންދާނެ އެންބިއުލޭންސެއް، ކާރެއް ނެތިގެން، މަރުވެފައިވާ މީހުންގެ ހަށިތައް އުފުލަނީ ލޮރީތަކުގައެވެ
ތިޔަ ބުނާ އީދަކީ މުސްލިމުންގެ ފަރާތުން ހިނގި ކަމެއްނަމަ މިހާަރު ދުނިޔޭގެ ހުރިހާ މިސްކިތްތަކެއް ބަންދުކޮށްފިސް.