ބޮޑުވަޒީރުގެ ގޮތުގައި ގައުމު ހިންގަވަން ބޭނުންވާކަން ރައީސް ނަޝީދު، ރައީސް ޞާލިޙަށް ދަންނަވައިފި
ރާއްޖޭގެ ވެރިކަން ހިންގުން އަންނަ އަހަރު ބަރުލަމާނީ ނިޒާމަކަށް ބަދަލުކޮށް، ބޮޑުވަޒީރަށް ވެވަޑައިގަންނަވަން ބޭނުންފުޅުވާކަމަށް ރާއްޖޭގައި ތިން އަހަރު ވެރިކަން ކުރެއްވި ކުރީގެ ރައީސް މުހައްމަދު ނަޝީދު، ރައީސް އިބްރާހިމް މުހައްމަދު ޞާލިޙްގެ އަރިހުގައި މިއަދު ވިދާޅުވެއްޖެއެވެ.
ރައީސް ޞާލިޙަށް މިއަދު ފޮނުއްވި މެސެޖެއްގައި ރައީސް ނަޝީދު ވިދާޅުވީ އެއްފަރާތްވެވަޑައިގެން ނުހުންނަވައި، ބޮޑުވަޒީރުގެ މަގާމަށް ވަޑައިގެން ގައުމު ހިންގަވަން ބޭނުންފުޅުވާ ކަމަށެވެ. އަދި އެކަމުގައި ރައީސްއާ މަޝްވަރާ ކުރައްވަން ބޭނުންފުޅުވާ ކަމަށް ވެސް ރައްޔިތުންގެ މަޖިލިހުގެ މިހާރުގެ ރައީސް ، ރައީސް ނަޝީދު ވިދާޅުވިއެވެ.
ކެބިނެޓުގެ ބައެއް ވަޒީރުންނާއި ރައްޔިތުންގެ މަޖިލީހުގެ ބައެއް މެމްބަރުންނަށް ރައީސް ނަޝީދު ފޮނުއްވި މެސެޖު "ދެން"އަށް ވަނީ ލިބިފައެވެ. އަދި އެއީ ރައީސް ނަޝީދުގެ މެސެޖެއްކަން މަޖިލީހުގެ ބައެއް މެމްބަރުން ކަށަވަރު ކޮށްދެއްވައިފައި ވެއެވެ.
ރައީސް ނަޝީދު އަބަދުވެސް ވިދާޅުވަމުން އަންނަނީ ރާއްޖެއަށް އެންމެ އެކަށޭނަ ވެރިކަމުގެ ނިޒާމަކީ ބަރުލަމާނީ ނިޒާމު ކަމަށެވެ. ނަމަވެސް އެ ނިޒާމަށް ބަދަލު ކުރައްވަން އުޅުއްވާނީ ރައީސް ޞާލިޙްގެ މަޝްވަރާގެ ދަށުން، އެވަގުތު ޖެހުމުން ކަމަށް މިދިޔަ އަހަރު ޕީއެސްއެމްގެ ޝޯއެއްގައި ވެސް ރައީސް ނަޝީދު ވަނީ ވިދާޅުވެފައެވެ.
ރައީސް ނަޝީދު ފޮނުއްވި މެސެޖުގައި އިތުރަށް ވިދާޅުވެފައި ވަނީ އަންނަ އަހަރުގެ ފެބުރުއަރީ މަހުގެ ތެރޭގައި ވެރިކަމުގެ ނިޒާމް ބަދަލުކޮށް މަޖިލީހުން ސަރުކާރު އެކުލަވާލުމަށެވެ. އަދި ރިޔާސީ އިންތިހާބު 2023 ގައި ނުބޭއްވުމަށް ވެސް ރައީސް ނަޝީދު ވަނީ އެދިވަޑައިގެންފައެވެ.
މީގެ އިތުރުން ޖެހިގެން އަންނަ 2024 ގައި ރައްޔިތުންގެ މަޖިލީހުގެ އިންތިހާބަށް ދާ އިރު ގާނޫނުގައިވާ ގޮތުގެ މަތިން ރައްޔިތުންގެ މަޖިލީހުން ރައީސުލްޖުމްހޫރިއްޔާ ކަނޑައެޅުމަށް ވެސް އެމަނިކުފާނު ހުށަހަޅުއްވައިފައި ވެއެވެ.
ޤައުމެއްގެ ވާހަކަ ދެންދައްކާނެކަމެއްނެތް ދިވެހިންނޭ ހޭއަރާ
މިއޮތީ ކަންތައް ފެށި ފާ
ކަލޯ މިއޮތީ އެއްކެލަ މުސީބާތް ކުރިމަތިވެފަ. މަސް ބާނާން ނޭގުނީމާ ގޯސްމިވަނީ ކަނޑު ހެހޭ ކުޅިބަލަން ތިބޭ ފިލްމުގެ ގަދަ ތަޅާލުން އަންނަނީ. އިންތިޒާރު ކޮށްލައްވާ.
ދޭބަލަ އިގިރޭސި ވިލާތުގެ ބޮޑުވަޒީރުކަން ކުރަން ވެރިކަމާ ހެދި މޮޔަވަނީ
ދެބޯގެރި ދުއްވައި ނިމުނީމާ އެނގިއްޖެދޯ. އާން
މިހާރު މޯލުންނަށްވެސް އެބަ ވިސްނޭ . މިއޮޑިއެއް ނުފެތޭނޭ ގޮވިޔަސް މިއޮއްފެތެނީ. ކޮބާ އެޖެންޑާ 19 އަދި ރައްވެހިފަތިސް . ދެން ފުދިއްޖެ . މިތިބީ ކުޅިބަލަން . ހަމަ އޮޑި ފެތެނީ.
ކަންތަކާ ޖެހުނީި
ހާދަވަރަކަށޭ ވެރިކަމަށް ބޫތު ހިފާފައި މިކަލޭގެއަކު ނިހުރީ.
މީނާލާންވީ މާރުކޭޓް ގޮޅިޔައް
އޭ ގޯސް ހައްދަވަން ނޫޅުއްވާ.އެހިސާބަށް ދިޔައިމަ ރައްޔިތުން މަޑަކުން ނުތިބޭނެ.ރާއްޖޭގައި އޮންނަންވީ ނިޒާމް މިހާރު މިއޮތީ.އެއްގޮތުން ނުވިއްތާ އަނެއްގޮތުންވެސް ވެރިކަމަށް އާދެވޭތޯ އެއުޅެނީ.ރައްޔިތުންގެ ވޯޓަކުން ރާއްޖޭގެ ރައީސް ކަމަކަށް ނާދެވޭނެކަން އިނގޭތީ އެއުޅެނީ.ރާއްޖޭގެ ވެރިކަމުގަ ބަހައްޓަން ދިވެހި ރައްޔިތުން ބޭނުންވަނީ އެހެންދީންތަކަށް ފުރުސަތުނުދޭނެ އިސްލާމީ ދީނަށްލޯބިކުރާ އެކަންކަމާ ޝައްކެއް ނުއުފެދޭނެ ސޯލިހު ވެރިޔެއް.ހަމަހޭގަ ހުންނަ ވެރިޔެއް.