90 އަހަރުގެ މީހެއްގެ އަތުން އޮޅުވާލަން 3.2 މިލިޔަން ޑޮލަރު ފޭރިގެންފި
އޮޅުވާލައިގެން ފައިސާ ހޯދުމަކީ މިހާރު ވަރަށް އާއްމުވެފައިވާ މައްސަލައެކެވެ. މިފަދަ ކަންކަން ކުރަނީ ޓެކްނޮލޮޖީގެ ވަސީލަތްތައް ބޭނުންކޮށްގެން ކަމަށްވާތީ، ގިނަ ފަހަރަށް އޮޅުވާލުންތައް އޮޅުވާލަނީ އުމުރުން ދުވަސްވީ މީހުންނަށެވެ. މިފަހަރު ވެސް މިފަދަ ކޭސްއެއް ޗައިނާއިން މި ވަނީ ފެންމަތިވެފައެވެ. ޗައިނާގެ އުމުރުން ދުވަސްވީ މީހެއްގެ އަތުން އޮޅުވާލައިގެން 3.2 މިލިޔަން ޑޮލަރު މިވަނީ ފޭރިގެންފައެވެ.
ޗައިނާގެ މީޑިއާތަކުން ރިޕޯޓް ކުރާ ގޮތުގައި އޮޅުވާލައިގެން ފައިސާ ހޯދި މައްސަލަައިގައި 19 އަހަރު ފިރިހެނަކުވަނީ ހައްޔަރު ކޮށްފައެއެވެ. އަދި މި މީހާގެ ގެ ބަލާ ފާސްކުރުމުގެ ތެރޭގައި ފެނުނު ލެޕްޓޮޕްއަކުން، މިއީ ވަރަށް ގިނައިން ކުރާ ކަމެއްކަން ފާހަގަ ވެފައިވާ ކަމަށްވެސް ފުލުހުން ބުނި ކަމަށް ރިޕޯޓްތައް ބުނެއެވެ.
ފުލުހުންގެ ތަޙްޤީޤުން ހާމަވެފައިވާ ގޮތުގައި އޮޅުވާލައިގެން ފައިސާ ހޯދައިފައި ވަނީ އުމުރުން 90 އަހަރުގެ އެކަނި ދިރިއުޅެމުން އަންނަ އަންހެންގެ އަތުންނެވެ. އަދި ފައިސާ ހޯދައިފައި ވަނީ 11 ފަހަރެއްގެ މަތިން ކަމަށާއި ފައިސާ ހޯދައިފައި ވަނީ ކުރަމުންދާ ތަޙްޤީޤެއްގެ ބޭނުމެއްގައި ކަމަށް ބުނެފައިވާ ކަމަށް ވެސް ފުލުހުންގެ ބުނެއެވެ.
ޗައިނާގައި މިފަދަ ކުށްތަކަށް ބޮޑެތި އަދަބު ދޭކަން ފާހަގަ ކޮށްލެވެއެވެ. މިގޮތުން މީހުންނަށް އޮޅުވާލައިގެން ފައިސާ ހޯދުމުގެ ކުށުގައި މީގެ ކުރިން ބައެއް މީހުން އުމުރު ދުވަހަށް ވަނީ ޖަލަށް ލާފައެވެ.
މިފަދަ ފަރާތްތައް ރާއްޖެއިން ނުހިފެނީކީއްވެތޯ މީވަރަށްކޮށްލަންބޭނުންވާ ސުވާލެއް….