ކޮވިޑް-19: އިންޑިއާއިން ރާއްޖެއަށް އަންނަ މީހުން ކަރަންޓީނު ކުރަން ނިންމައިފި
އިންޑިއާއިން ރާއްޖެއަށް އަންނަ ދިވެހީންނާއި ވޯކް ވިސާގައި އަންނަ މީހުން ކަރަންޓީނު ކުރަން ނިންމައިފިއެވެ.
މޯލްޑިވްސް އިމިގްރޭޝަނުން މިކަން ހާމަ ކުރައްވަމުން ކޮށްފައިވާ ޓްވީޓެއްގައި ވިދާޅުވެފައި ވަނީ އިންޑިއާއިން އަންނަ ދިވެހީންނާއި ވޯކް ވިސާގައި އެ ޤައުމުން ރާއްޖެއަށް އަންނަ މީހުން، 10 ދުވަހުގެ ހޯމް ކަރަންޓީނު މުއްދަތެއް ފުރިހަމަ ކުރަން ޖެހޭނެ ކަމަށެވެ.
މިގޮތަށް ކަނޑައަޅާފައި މިވަނީ އިއްޔެއިން ފެށިގެން ކަމަށް ވެސް އިމިގްރޭޝަންގެ އިއުލާނުގައި ވިދާޅުވެފައިވެއެވެ.
މީގެ އިތުރުން އިމިގްރޭޝަނުން ބުނެފައި ވަނީ، މިގޮތަށް ރާއްޖެ އަންނަ މީހުންނަކީ ވެކްސިން ޖަހައިގެން އަންނަ މީހުން ކަމުގައި ވިޔަސް ކަރަންޓީނު ވާން ޖެހޭނެ ކަމަށެވެ.
ބެލެވޭ ގޮތުގައި އިމިގްރޭޝަނުން މި ޤަވާއިދު ކަނޑައަޅާފައި މިވަނީ، މިދުވަސްވަރު އިންޑިއާގައި ހަލުވިކަމާއެކު ކޮވިޑް-19 ފެތުރެމުން ދިޔުމާ ގުޅިގެންނެވެ.
އެގޮތުން އިއްޔެ އެކަނި ވެސް އެ ޤައުމުން 314,835 މީހުން ކޮވިޑް-19 އަށް ފައްސި ވެފައިވެއެވެ. ފައްސިވީ ޖުމްލަ މީހުންގެ އަދަދަކީ މިހާރު 1,59,30,965 އެވެ. އަދި 2,104 މީހުން އިންޑިއާއިން އިއްޔެ މި ބަލީގައި މަރުވެފައިވާއިރު، އެ ޤައުމުން މި ބަލީގައި މަރުވި މީހުންގެ ޖުމްލަ އަދަދު މިހާރު މިވަނީ 1,84,657 އަރާފައެވެ،
ވޯކް ވިސާއެއް ނޫން އެއްވެސް ވިސާ އެއްގަ އިންޑިޔާގެ އެކަކަށްވެސް މިދުވަސް ވަރު ރާއްޖެ ނާދެވޭ ގޮތައް ހަދަން ޖެހިއްޖެ. ޢެމީހުންގެ ޤަޢުމުން އެހެން ޤަޢުމުތަކަށް ނުދެވޭތީ ރާއްޖޭން ބޭރުވާ ބައެއްގެ ގޮތުގަ އެހެން ޤައުމުތަކަށް ދާ މަންޒިލަކަށް މިތަން ހަދައިފި. ޢެޗް ޕީ އޭ އިން ވަރަށް މަސްކަތް ކުރިން ކުރި ރައްރަށުގަ މި ބަލިމަޑުކަން ފެތުރުނަ ނުދޭން. ޢެގޮތުން މީހުން ރަށްރަށަށް ދިޔުމުގަ ވަރުގަދަ މިންގަނޑުތަކެއް ހެދި. ޞަލި ފެތުރެނީ ހަމ އެކަނި ދިވެހީންގެ ގައިން ގަޔަކުން ނޫންކަން އެމީހުންނަށް އެނގެން އެބަޖެހޭ! މި އިންޑިޔާ މީހުން ޓުއަރިސްޓުންގެ ގޮތިގަ އަންނައިރު ޓެސްޓެއް އޮންނާކަށް ނުޖެހެ. ޢަދި ރަށުގައި މާސްކް އަޅާކަށް ނުޖެހެ، ތާވަޅު ބައެއްހެން ރަށުތެރޭގައި އެނބުރުމުގެ ނަތީޖާއަކަށް ވީ މާލޭ އެއަރޕޯރޓާ ކައިރި ގެސްޓު ހައުސްތައް ހިންގާ ހުރިހާ ރައްތަކެއްގަ ކޮވިޑް ކޭސްތައް އިންތިހާއަށް މައްޗަށް ދިއުން. ޢަދިވެސް އެޗް ޕީ ޢޭ ނިދާފަ. ޢިންޑިއާ މީހުންނާ ޓުއަރިސްޓުންގެ ގޮތުގަ އަންނަމީހުން ޓެސްޓެއް ނަހާދާ އަންނަ އައުން ވަގުތުން ވަގުތައް ހުއްޓުވަން ޖެހޭ. މިކަންތައްބަލާނެ ބަޔަކުވެސް ނެތީ! މީ ކިހާ ދެރަކަމެއް. ރާއްޖެތެރޭގައި ވަޞީލަތްތައް މިހާ މަދު އިރު މިކަން މިހެންދާނަމަ ކޮންޓުރޯލް ނުކުރެވޭ ވަރަށް ކޭސްތައް ގިނަވެގެން ދާނެ.