ރަށު ކައުންސިލްގެ މުސާރަ ކުޑަކޮށް، ކައުންސިލްގެ މުސާރަތައް ފާސްކޮށްފި
ސިޓީ ކައުންސިލްގެ މޭޔަރާއި، ސިޓީ ކައުންސިިލްގެ މެމްބަރުންގެ އިތުރުން އަތޮޅު ކައުންސިލްގެ ރައީސް އަދި ރަށު ކައުންސިލްގެ ރައީސް އާއި މެމްބަރުންގެ މުސާރަތަކަށް ބަދަލު ގެނައުމަށް ރައްޔިތުންގެ މަޖިލީހުން ބަދަލު ގެނެވުނު މުސާރަތައް ފާސްކޮށްފިއެވެ.
ކައުންސިލްތަކުގެ މުސާރަތަކަށް އިސްލާހު ހުށަހެޅުއްވީ ހަނިމާދޫ ދާއިރާގެ މެމްބަރު އަބްދުލްގަފޫރު މޫސާއެވެ. އެގޮތުން ގަފޫރު ހުށައެޅުއްވީ ރަށު ކައުންސިލްގެ ރައީސްގެ މުސާރައަށް ބަދަލުތަކެއް ގެނައުމަށެވެ. ކޮމިޓީން ތަޅުމަށް ހުށަހެޅި އިރު ރަށު ކައުންސިލްގެ ރައީސްގެ މުސާރައަކީ 23،000 ރުފިޔާ، އަދި މެމްބަރެއްގެ މުސާރައަކަށް ކަނޑައަޅާފައިވަނީ 12،000 ރުފިޔާ އެވެ. އެހެންނަމަވެސް ރަށު ކައުންސިލް ރައީސްއަށް ލިބޭ މުސާރައަކީ 20،000 ރުފިޔާ ކަމަށް ކަނޑައަޅާ ކައުންސިލް މެމްބަރުންގެ މުސާރަ 13،000 ރުފިޔާ ކަމުގައި ކަނޑައެޅުމަށް ގަފޫރު މަޖިލީހަށް ހުށަހެޅުއްވިއެވެ.
ކޮމިޓީން ފާސްކުރެވި މަޖިލީހުގެ ތަޅުމަށް ފޮނުވުނު މުސާރަތައް
- މޭޔަރަކަށް - 40،000 ރުފިޔާ
- ޑެޕިއުޓީ މޭޔަރަކަށް - 35،000 ރުފިޔާ
- ސިޓީ ކައުންސިލް މެމްބަރަކަށް - 30،000 ރުފިޔާ
- އަތޮޅު ކައުންސިލް ރައީސަކަށް - 28،000 ރުފިޔާ
- ރަށު ކައުންސިލް ރައީސަކަށް - 23،000 ރުފިޔާ
- ރަށު ކައުންސިލްގެ ނައިބް ރައީސަކަށް - 15،000 ރުފިޔާ
- ރަށު ކައުންސިލްގެ މެމްބަރަކަށް - 12،000 ރުފިޔާ
ގެނެވުނު އިސްލާހާއެކު މަޖިލީހުން ފާސް ކުރެވުނު މުސާރަތައް
- މޭޔަރަކަށް - 40،000 ރުފިޔާ
- ޑެޕިއުޓީ މޭޔަރަކަށް - 35،000 ރުފިޔާ
- ސިޓީ ކައުންސިލް މެމްބަރަކަށް - 30،000 ރުފިޔާ
- އަތޮޅު ކައުންސިލް ރައީސަކަށް - 28،000 ރުފިޔާ
- ރަށު ކައުންސިލް ރައީސަކަށް - 20،000 ރުފިޔާ
- ރަށު ކައުންސިލްގެ ނައިބް ރައީސަކަށް - 15،000 ރުފިޔާ
- ރަށު ކައުންސިލްގެ މެމްބަރަކަށް - 13،000 ރުފިޔާ
ކޮމިޓީން ފާސް ކުރެވިގެން މަޖިލީހުގެ ތަޅުމަށް ފޮނުވުނު މުސާރަތަކުގައި ރަށު ކައުންސިލް ރައީސްއަކަށް ލިބޭ މުސާރައަކީ 23،000 އެވެ. އަދި ރަށު ކައުންސިލް މެމްބަރެއްގެ މުސާރައަކީ 12،000 ރުފިޔާއެވެ. އެހެންނަމަވެސް ގެނެވުނު އިސްލާހާއެކު މަޖިލީހުން ފާސްކުރި މުސާރަ ތަކުގައި ރަށު ކައުންސިލަކަށް ލިބޭ މުސާރައިން 3000 ރުފިޔާ އުނި ކުރެވި 20،000 އަށް ވަނީ ދަށް ކުރެވިފައެވެ. އަދި ރަށު ކައުންސިލް މެމްބަރެއްގެ މުސާރަ ވަނީ 1،000 ރުފިޔާ އިތުރުކޮށް ޖުމްލަ 13،000 އަށް ބޮޑު ކޮށްފައެވެ.
މީ ވަރަށް ޒިންމާދާރުކަން ކުޑަ ޢަމަލެއް، ކުރިން އޮތް މުސާރައަށް ބަލާ ވަޢުދާއި ޢަހުދުތައް ކުރިފަހުން މިބަދަލު ގެނައުން ކަމަކުނުދޭ، ކައުންސިލްގެ ރައީސަކަށް ދެމީހަކު ޚިޔާރު ނުކުރެވޭ، ވީމާ ރައީސް ކަމުގެ މަޤާމަށް ހޮވުމުގެ ފުރުޞަތު ހަނިވޭ
ތިގޮތަށް ޓީޗަރުންގެ މުސާރަ ބޮޑުކުރާނެ ނަމަ ކިހާރަނގަޅު؟؟؟؟؟