މާލެ ސަރަހައްދު ފިޔަވައި ހުރިހާ ރަށެއް، ރަށު ބަންދަށް!
މާލެ ސަރަޙައްދު (މާލެއާއި،ވިލިނގިއްޔާއި، ހުޅުމާލެއާއި، ގުޅިފަޅާއި، ތިލަފުށި) ފިޔަވައި، މީހުން ދިރިއުޅޭ ރަށްރަށް ބަންދަށް ލައިފިއެވެ.
މި ނިންމުމާއި ގުޅިގެން އެއްރަށުން އަނެއް ރަށަށް ދަތުރުކުރުން މަނާ ވާނެއެވެ.
އެޗްޕީއޭއިން މިއަދު ވިދާޅުވީ، 4 މޭ 2021 ން ފެށިގެން، ޟަރޫރީ ބޭނުންތަކަށާއި، ޞިއްޙީ ފަރުވާ ހޯދުމަށް ޓަކައި މެނުވީ ދަތުުރު ކުރަން ހުއްޓާލަން އަންގާ ކަމަށާއި، ރައްޔިތުންނަށް ބޭނުންވާ ކާބޯ ތަކެއްޗާއި އެނޫން ވެސް ޟަރޫރީ ތަކެތި ފޯރުކޮށް ދިނުމަށް ކުރާ ދަތުރުތަކާއި މަސައްކަތްތަކަށް، ލޯކަލް ކައުންސިލްތަކުން މަގު ފަހި ކޮށްދޭން ޖެހޭ ކަމަށެވެ. މިހެންކަމުން ރަށަކަށް ދަތުރު ކުރާނަމަ 4 މޭ އިން ފެށިގެން ކައުންސިލްގެ ހުއްދަ ބޭނުންވާނެއެވެ.
މި އުސޫލަށް އަމަލު ކުރަން ނިންމާފައި ވަނީ 1 ހަފްތާގެ މުއްދަތަށެވެ.
އެޗްޕީއޭއިން މިގޮތަށް ނިންމާފައި މިވަނީ ރާއްޖޭގެ ރަށްތަކުގައި ހަލުވި ކަމާއެކު ކޮވިޑް-19 ފެތުރެމުންދާ ދަނޑިވަޅެއްގައެވެ. މިގޮތުން ރާއްޖޭގެ 25 ރަށެއްގައި އޮތީ މޮނިޓަރިންގގެ ހާލަތުގައެވެ. މީގެ އިތުރުން ކުޅުދުއްފުށި ސިޓީއާއި އައްޑޫ ސިޓީ ވެސް މިވަގުތު އޮތީ މޮނިޓަރިންގގެ ހާލަތުގައެވެ.
ރައްރަށުގަ މިފެތުރިނީ ސަރުކާރުގެ އިހުމާލުން