މަރާލަން އުޅޭތާ ކިތަންމެ ދުވަހެއް، ކުރިން ވެސް ކެތް ކުރީ، މިއަދު ވެސް ކެތް ކުރާނަން: ނަޝީދުގެ ބައްޕާފުޅު
ދިވެހިރާއްޖޭގެ ކުރީގެ ރައީސުލްޖުމްހޫރިއްޔާ އަދި މިހާރުގެ މަޖިލީހުގެ ރައީސް މުހައްމަދު ނަޝީދަކީ ސިޔާސީ ގޮތުން ގިނަގުނަ ގޮންޖެހުންތަކަކާ ކުރިމަތިލައްވަން ޖެހިވަޑައިގެން ބޭފުޅެކެވެ. އެހެން ނަމަވެސް 6 މެއި 2021ވަނަ ދުވަހުގެ ރޭ އެމަނިކުފާނަށް ދިން ބޮމުގެ ހަމަލާއަކީ އެމަނިކުފާނަށް އަމާޒުކޮށް ދިން އެންމެ ނުރައްކާތެރި އެންމެ ވަރުގަދަ ހަމަލާއެވެ.
މި ހަމަަލާގައި އެމަނިކުފާނު ސަލާމަތްވީ ކިރިޔާއެވެ. ހަށިގަނޑުގެ އެތައް ތަނަކަށް ރޭޒާ ފުއްތައް ވަދެ އެތައް ތަނެއް ޒަހަމްވިއެވެ. މި ހާސްކަންބޮޑު ދަނޑިވަަަޅުގަައި ދިވެހި އެތައް ރައްޔިތުންނެއްގެ ހެޔޮދުއާ ވަނީ ރައީސް ނަޝީދާއެކުގައެވެ. އެމަނިކުފާނާ ސިޔާސީ ގޮތުން ދެކޮޅު ފަރާތްތަލުން ވެސް އެމަނިކުފާނަަށް ހެޔޮދުއާ ކުރައްވައެވެ.
ނަޝީދަށް ދިން ހަމަލާއާ ގުޅިގެން އެންމެ ބޮޑު ހިތްދަތިކަމެއް ތަހައްމަލު ކުރަމުން ގެންދަވަނީ އެމަނިކުފާނުގެ އާއިލާއިންނެވެ. ރައީސް ނަޝީދަށް މިއަދު ކުރެއްވި ޒިޔާރަތަށްފަހު އޮންލައިން ނޫސް “އަދަދު”އާ ވާހަކަ ދައްކަވަމުން އެމަނިކުފާނުގެ ބައްޕާފުޅު ކެނަރީ އަބްދުއްސައްތާރު ވިދާޅުވީ ނަޝީދަށް ދިން ހަމަލާގެ ކަންބޮޑުވުމާއި ހިތާމައަށް ނިމުމެއް ނެތް ކަމަށާއި އެކަމަކު މީގެ ކުރިން އެމަނިކުފާނަށް ލިބިވަޑައިގެންނެވި އަނިޔާތަކުގެ ހިތާމަ ތަހައްމަލުކުރި ގޮތަށް މި ފަހަރު ކެތްތެރިވާނެ ކަމަށެވެ.
ނަޝީދުގެ ބައްޕާފުޅު ވިދާޅުވީ މިއަދު ވެސް އެމަނިކުފާނުގެ ހާލުކޮޅު ރަނގަޅު ކަމަށާއި ރީއްޗަށް ވާހަކަފުޅު ދެއްކެވި ކަމަށެވެ. އެހާ ގަދައަށް ނޫނަސް އިއްޔެއާ އަޅާ ބަލާފައި މިއަދު އެމަނިކުފާނުގެ ހާލު ރަނގަޅުކަން ބައްޕާފުޅު ފާހަގަ ކުރެއްވިއެވެ.
ސައްތާރު އިތުރަށް ފާހަގަ ކުރެއްވީ މީގެ ކުރިން ނަޝީދަށް ސިޔާސީ ގޮތުން ލިބިވަޑައިގެންނެވި އަނިޔާތަކާއި މިފަހަރުގެ އަނިޔާއާ ނުބައްދަލު ކަމަށެވެ. އަދި މި ހަމަލާގެ ފަހަތުގައި އޮތީ ކޮން ސަބަބެއްކަން ނޭނގޭ ކަމަށެވެ.
މީގެ ކުރިން ރައީސް ނަޝީދު ސްރީލަންކާގައި ހުންނެވި އިރު ވެސް އެމަނިކުފާނަށް އެގައުމުގެ މިލިޓަރީން ރައްކާތެރިކަން ފޯރުކޮށްދެއްވި ކަމަށް ސައްތާރު ވިދާޅުވިއެވެ. އެގޮތުން ސައްތާރު ދިރިއުޅުއްވާ ގެއަށް އެމަނިކުފާނު ވަޑައިގަތުމުގެ ކުރިން މިލިޓަރީން އައިސް ބަލާ ފާސްކޮށް ހެދި ކަމަށް ވެސް ސައްތާރު ފާހަގަ ކުރެއްވިއެވެ.
ސައްތާރު ވިދާޅުވީ ރައީސް ނަޝީދު މަރާލަން އުޅޭތާ ކިތަންމެ ދުވަހެއް ކަމަށެވެ. އަދި މީގެ ކުރިން ވެސް އެމަނިކުފާނަށް އަނިޔާތައް ލިބެމުން އައި ކަމަށާއި އޭރު ވެސް ކެތް ކުރި ފަދައިން މިއަދު ވެސް އޭނާ އާއި ނަޝީދުގެ މަންމާފުޅު އާބިދާ ކެތްކުރައްވާނެ ކަމުގައި ވިދާޅުވިއެވެ.
ބަޔަކު އޭނަމަރާލަން އުޅުނު ނަމަ މަރުވީސް އޭނަ ކައިރީގަ ތިބި މީހުނަށް ނުވާއަނިޔާ އޭނަޔަކައް ނުވާނެ ޑްރާމާ
މަރަކީ ﷲ ގެ ހަޒުރަތުގައި އޮތް ބާރެކެ. ބަޔަކަށް މަސައްކަތް ކުރެވިދާނެ.
މެކްސިޑެންޓް ތަކުގަވެސް އަދި ކާރ އަށް ހަމަލާދޭ އިރުވެސް ބައެއް މީހުން ހުރޭ އެއްވެސް ގެއްލުމެއް ނުލިބި. އެއީ ކާކުގެ ޑްރާމާއެއްބާ. މީ ދުނިޔެ، ހީ ނުކުރާ ކިތައްމެ ކަމެއް ހިނގާނެ
އަދި އެހެން ބޮލެއްގެ ނަމުގަވެސް ކޮމެންޓެއް ލިޔެލަން ވީނު.
މެކްސިޑެންޓް ތަކުގަވެސް އަދި ކާރ އަށް ހަމަލާދޭ އިރުވެސް ބައެއް މީހުން ހުރޭ އެއްވެސް ގެއްލުމެއް ނުލިބި. އެއީ ކާކުގެ ޑްރާމާއެއްބާ. މީ ދުނިޔެ، ހީ ނުކުރާ ކިތައްމެ ކަމެއް ހިނގާނެ
އެއްމެ ހައިރާންވާ ކަމަކީ ތި ގޮވި އެއްޗެއްގަ ހުރި ހުރިހާ ރޭޒާ ފުށް ހުރީ ހަމަ އެކަނި ތި ގޮލާ ގަޔައް އެކަނި ވަންނަ ގޮތަށް ތި ގޮލާގެ ނަންލިޔެފަތޯ ކީއްވެގެންތޯ އެހެން މީހެއްގެ ގަޔަށް ނުވަނީ؟ހުސް ފޭކު ސިޔާސީ ސްޓަންޓް އިބުއަށް ތާއީދު ބޮޑު ވީމަ އެހެންވެ ފޭކު ފޭކު ހުސް ފޭކު (މަވެސް އަނިޔާ ކުރުމާ ދެކޮޅު)
އަހަރެންގެ އާއިލާ ދަތުރުކުރި ކާރެއް ވެސް އެކްސިޑެންޓު ވި… ޑުރައިވަރު ހަމަ ޗިސްޗިސް ވި.އަލްހަމްދު ލިއްލާހި ދެން ައެންމެން މާބޮޑު އަނިޔާ ނުވެ ސަލާމަތް ވި…