16 އަހަރުގެ ކުޑަ އަންހެން ކުއްޖަކަށް ޖިންސީ ގޯނާ ކުރިކަމުގެ މައްސަލައެއް

އުމުރުން 16 އަހަރުގެ ކުޑަ އަންހެން ކުއްޖަކަށް ޖިންސީ ގޯނާ ކުރިކަމުގެ މައްސަލައެއް ފުލުހުން ބަލަން ފަށައިފިއެވެ.

Ads by Hajj Corporation

އެނގިފައިވާ ގޮތުގައި ޖިންސީ ގޯނާގެ މި ޢަމަލު ހިންގާފައިވަނީ އދ.އަތޮޅުގެ ރަށެއްގައެވެ.

ފުލުހުންގެ މީޑިއާ އޮފިޝަލު ވިދާޅުވީ، ނޯތު ސެންޓްރަލް ޕޮލިސް ޑިވިޝަންގައި ހިމެނޭ ރަށެއްގައި އުމުރުން 16 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް އިއްޔެ ހުށަހަޅާފައިވާ ކަމަށެވެ.

"ދެން" އަށް އެނގިފައިވާ ގޮތުގައި ޖިންސީ އަނިޔާ ލިބުނު ކުއްޖާގެ ޖިންސީ އަނިޔާތަކުގެ މެޑިކަލް އެސެސްމަންޓެއް ވެސް ހެދުމަށް ވަނީ ހަމަޖެހިފައެވެ.

ފުލުހުން ވިދާޅުވީ މި މައްސަލައިގައި އަދި އެއްވެސް މީހަކު ހައްޔަރު ކޮށްފައި ނުވާ ކަމަށެވެ.

ފުލުހުން އަންނަނީ މި މައްސަލަ ތަހުގީގު ކުރައްވަމުންނެވެ.