ކޮވިޑް ޖެހިގެން 10 އަހަރުގެ ކުއްޖަކު ނިޔާވެއްޖެ
ކޮވިޑް-19 ޖެހިގެން 10 އަހަރުގެ ކުއްޖަކު ރާއްޖެއިން ނިޔާވެއްޖެއެވެ
މައުލޫމާތު ލިބޭ ގޮތުގައި ނިޔާވެފައި ވަނީ އަންހެން ކުއްޖެކެވެ. އެއީ އައިޖީއެމްއެޗް އީއާރަށް ގެންދިޔަ ކުއްޖެއް ކަމަށް މައުލޫމާތު ލިބެއެވެ. އަދި އެކުއްޖާ ނިޔާވީ އެތަނުގައި ފަރުވާދެމުން ދަނިކޮށްނެވެ.
މި މަރާއެކު ކޮވިޑް-19ގައި ރާއްޖެއިން މަރުވި މީހުންގެ އަދަދު މިވަނީ 170އަށް އަރައިފައެވެ. ރާއްޖެއިން މި މަހު ކޮވިޑް-19ގައި 09 މީހަކު ވަނީ މިހާރު ނިޔާވެފައެވެ.
މީގެ އިތުރުން، މިއީ ރާއްޖެއިން ކޮވިޑް-19ގައި ނިޔާވި އެންމެ ހަގު ކުއްޖާއެވެ. 18 އަހަރުން ދަށުގެ ކުއްޖަކު މީގެ ކުރިން ރާއްޖޭގައި މި ބަލީގައި ނިޔާވެފައެއް ނުވެއެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
ކަލޭމެން ކީއްވެބާ ނަން ހާމަ ނުކުރަނީ
ކޮންމެ ހެން ނުޖެހޭ ނަމާ އެއްޗެހި ހާމަ ކުރާކަށް.. ކަލެއަށް މުހިންމު ވީ އެކުއްޖާގެ ނަންދޯ ބޮޑަށް ️️