ސްޕަޓްނިކް ވެކްސިންގެ 5 ލައްކަ ޑޯޒް ހިލޭ ލިބޭނެ ކަމަށް އޮތީ ސައްހަ ލިޔުމެއްގައެއް ނޫން: މިނިސްޓަރ
ކޮވިޑް-19އިން ރައްކާތެރިވުމަށް ޖަހާ ރަޝިޔާގެ ވެކްސިން، ސްޕުޓްނިކް ހިލޭ ލިބޭނެކަމަށް އޮތީ ސައްހަ ލިޔުމެއްގައި ނޫން ކަމަށް ހެލްތް މިނިސްޓަރ އަހްމަދު ނަސީމް މިރޭ ވިދާޅުވެއްޖެއެވެ.
ރާއްޖެއިން ވަނީ ސްޕަޓްނިކް ވެކްސިންގެ 200،000 ޑޯޒްގެ ވެކްސިން ގަތުމަށް އެއްބަސްވެފައެވެ. މި އެއްބަސްވުން އެކުލަވައިލި 500،000 ޑޯޒް ހަދިޔާކުރަން އަމިއްލަ ކުންފުންޏަކުން ސަރުކާރަށް ހުށައަޅާފައިވަނިކޮށް ކަމަށް ބުނެ ބައެއް މީޑިއާތަކުގައި މިއަދު ވަނީ ރިޕޯޓްކޮށްފައެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ)އިން މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހެލްތު މިނިސްޓަރ ވިދާޅުވީ، އެ ހުށައެޅުން ލިބުމާ ގުޅިގެން އެ ސިޓީގެ ސައްހަކަން ބެލުމަށް ފޮރިން މިނިސްޓްރީއަށް ހުށައެޅި ކަމަށާ މިނިސްޓްރީން ބެލި ބެލުމުން އެ ކުންފުނިން ހުށައަޅައިފައި ވަނީ ފޭކު ޑޮކިއުމަންޓްތަކެއްކަން އެނގިފައިވާ ކަމަށެވެ.
މި ފަދަ ވާހަކަތަކަކީ އެއްވެސް އަސާސެއް ނެތް ވާހަކަތައް ކަމަށާއި މިފަދަ ކަންކަން ނުކުރުމަށް އިލްތިމާސް ކުރައްވާ ކަމަށް ވެސް ވިދާޅުވެފައެވެ.
ތިމީހުންނަކީ ޞައްޙަ ބައެއްތަ؟