ކަރީނާ ސައިފްއަށް ދިން އެންމެ ރަނގަޅު ނަސޭހަތް!
ބޮލީވުޑްގެ ކާމިޔާބު ދެމަފިރިން ކަމުގައިވާ ސައިފް އަލީ ޚާންއާއި ކަރީނާ ކަޕޫރަކީ ގިނަ ދިވެހިންގެ ވެސް ފޭވަރިޓެވެ. މި ދެމަފިރިންގެ ސަޕޯޓަރުންނެކޭ އެއްވަރަށް ފާޑުކިޔާ މީހުން ތިބޭ ކަމީ ވެސް ހަގީގަތެކެވެ. މިގޮތުން ސައިފްއަކީ މުސްލިމަކަށް ވެފައި ކަރީނާ މުސްލިމު ވީކަން ކަށަވަރު ނުވާތީއާއި އެމީހުންގެ ދަރިންނަށް ކިޔާ ނަން ނަމުގެ މައްސަލައިގައި އެ ދެމަފިރިންނަށް ގިނަބައެއްގެ ފުރައްސާރައާ ކުރިމަތިލާން ޖެހިފައިވާ ނަމަވެސް ސޯޝަލް މީޑިޔާގައި ކިޔާ ފާޑުކިޔުންތައް އެމީހުންގެ ޝައުގެއް ނެތެވެ.
ކޮންމެއަކަސް ސޯޝަލް މީޑިޔާގައި ކިޔާ ފާޑުކިޔުންތަކަށް ރިއެކްޓް ކުރަނީ ކިހިނެތްކަން ސައިފް މިވަނީ މީޑިޔާއަށް ކިޔައިދީފައެވެ. މިގޮތުން ކުރިން ސައިފް އޭނާއާ ބެހޭގޮތުން ލިޔާ ޚަބަރުތަކާ އޭނާއަށް އިންޓަރނެޓުގައި ކިޔާ ފާޑުކިޔުންތަކާއި ފުރައްސާރަތަކާ ކޮމެންޓްތައް ކިޔައި އުޅުނުކަމަށާއި އެކަމުގެ ސަބަބުން ގިނަ ދުވަސް ދުވަހު ހުންނަނީ މޫޑު ގޯސްވެފައިކަމަށް އޭނާ ބުންޏެވެ.
ސައިފް ބުނިގޮތުގައި ކަރީނާއާ ބައްދަލުވުމަށް ފަހު އޭނާ ދިން އެންމެ ރަނގަޅު ނަސޭހަތަކަށްވީ އަމިއްލައަށް އިންޓަރނެޓުން ގޫގުލްކޮށްގެން އެފަދަ އެއްޗެހި ނުބަލަން ބުނި ބުނުން ކަމަށެވެ.
"އަހަރެން ނުކިޔަން ނެގަޓިވް ކޮމެންޓްތަކެއް. އެކަން ހުއްޓައިލި ފަހުން އަހަންނަށް އަހަރެންގެ ކަންކަމަށް ފޯކަސް ކުރެވޭ. އެކަން ކުރުމަކީ ދެވި ހިފާކަމެއް. އަމިއްލަ މީހާއާ ބެހޭގޮތުން ގޫގުލް ކުރުން. އަހަރެން އޭރު ބަލަން އަހަންނާ ދިމާއަށް ކިޔާފަ ހުންނަ އެއްޗެހި ދެން މޫޑް ގޯސްވޭ. އެއްދުވަހަކު އަނބިމީހާ ބުނެފި ދެން ތިކަން ހުއްޓާލާށޭ. ދުވަސްކޮޅަކު ހުއްޓާލީމަ ވެސް ތަފާތު ފެނުން" ބޮލީވުޑް ބަބުލްއަށް ދިން އިންޓަވިއުއެއްގައި ސައިފް ބުންޏެވެ.
ކާމިޔާބު ބަތަލުން ކަމުގައިވާ ސައިފްއާއި ކަރީނާއަށް މިހާރު ވަނީ ދެ ފިރިހެން ދަރިން ލިބިފައެވެ. ތައިމޫރްއާއި ޖެހްއަށް ކީ ނަން ކަމު ނުގޮސްގެން ވެސް ސޯޝަލް މީޑިޔާގައި އެމީހުންނަށް ވަނީ ބޮޑެތި ފާޑުކިޔުންތައް އަމާޒުވެފައެވެ.
