ވަގުތުން، ވަގުތަށް ކައުންސިލްތައް ސަސްޕެންޑް ކުރަންޖެހޭ: ޖާބިރު
މިއަދު ރާއްޖޭގައި 200 ސަރުކާރު އެބައޮތް ކަމަށާއި މިހާރު ރާއްޖޭގައި އަމަލު ކުރަމުންދާ ނިޒާމަކީ ރާއްޖެއަށް އެކަށިގެންވާ ނިޒާމެއް ނޫންކަމަށް ވިދާޅުވެ ވަގުތުން، ވަގުތަށް ކައުންސިލްތައް ސަސްޕެންޑް ކުރަންޖެހޭކަމަށް ވިދާޅުވެ ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ލާމަރުކަޒީ ނިޒާމަށް ފާޑު ވިދާޅުވެއްޖެއެވެ.
ޖާބިރު ވިދާޅުވީ ރަށް ރަށަށް އިންވެސްޓަރުން ދިޔުމުން ރަށުކައުންސިލްތަކުން ހިތު ހުރިގޮތަކަަށް ކަންތައް ކުރާކަމީ ކަންބޮޑުވާކަމެއް ކަމަށެވެ.
މިއަދު ރާއްޖޭގެ ކޮންމެ ކައުންސިލަކީ ވަކި ސަރުކާރެއްކަމަށް ދެކި ރައްޔިތުންނަށް ދޭން ޖެހޭ ހިދުމަތްތައް ދިނުމަށް ދަތިތަކެއް ހުރި ކަމަށާއި ރާއްޖެއަކީ ފެޑެރަލް ނިޒާމަކަށް ހިނގާ ގައުމަކަށް ހެދޭނީ މިހާރު އޮތް ކައުންސިލްތައް ސަސްޕެންޑްކޮށްގެން ކަމަށް ޖާބިރު ވިދާޅުވިއެވެ.
ޖާބިރު ވިދާޅުވީ މިއަދު އޮތް ނިޒާމުގެ ތެރެއިން ރާއްޖެއަށް ކުރިއެރުން ނުލިބޭނެ ކަމަށެވެ. އަދި އިންވެސްޓަރުން ވެސް ރާއްޖެއާ ދުރަަށް ޖެހި، ރާއްޖެއަށް ލިބެންޖެހޭ ތަރައްޤީ އެކަށީގެންވާ މިންވަރާ ގާތަށް ވެސް ނުލިބޭނެ ކަމަށް އޭނާ ވިދާޅުވިއެވެ.
ރާއްޖެ ލާމަރުކަޒު ކުރުމަކީ މިހާރުގެ ސަރުކާރާއި ރައްޔިތުންގެ މަޖިލީހުގެ ސުޕަ މެޖޯރިޓީގެ ވައުދެކެވެ. މިގޮތުން ރާއްޖޭގައި ކައުންސިލް އިދާރާތައް ގާއިމުކޮށް ލާމަރުކަޒީ އުސޫލުން ރާއްޖެ ހިންގެވުމަށް އެންމެ ފުރަތަމަ ފަށައިފައި ވަނީ ރައީސް ނަޝީދުގެ ސަރުކާރުގައެވެ.
އެއްކަލަ ޕާރލިމެންޓް ކޮމީޑިއަން މިހާރު ރާއްޖެ އައިސް ކައުންސިލްރުންނާ ފޮށިގަތީދޯ!
ކައުންސިލަރުންނަކީ ބޭކާރުބައެއް. ކޮންމެ ރައީސް އެބޭފުޅެއްގެ ދައުރުގައި އެބެފުޅެއްގެ މެނިފެސްޓޯ ތަންފީޒުކުރަން ކޮންމެ ރަށަކަށް މަންދޫބެއް/ކަތީބެއް ލައިގެން ހިންގާނަމަ ބޮޑުތަނުން ދައުލަތަށް ލުއިވާނެ