ޕްރިޔަންކާގެ ފިލްމްތަކުގެ ތެރެއިންް ނިކްގެ "ފެވަރިޓް"
"ގުލޯބަލް ޕަވާ ކަޕުލް"އެއް ގެ ގޮތުގައި މަޝްހޫރު ޕްރިޔަންކާ ޗޯޕްރާއާއި ނިކް ޖޯނަސްއަކީ ވަރަށް ގިނަ ބަޔެއްގެ ފޭވަރިޓް ޖޯޑެވެ. އުމުރުގެ ތަފާތުގެ ސަބަބުން ގިނަ ބައެއްގެ ފާޑުކިޔުންތައް އަމާޒުވީ ނަމަވެސް ދެމީހުން ފެނިގެންދަނީ ވަރަށް ލޯބިން އުޅޭ ދެމަފިރިންގެ ގޮތުގައެވެ.
ޕްރިޔަންކާއަކީ ކާމިޔާބު ގިނަ ފިލްމްތަކެއް ބެލުންތެރިންނާ ހަމައަށް ގެނެސްދީފައިވާ އެކްޓަރަކަށްވާއިރު ނިކް އަކީ ކާމިޔާބު މިއުޒިކް އާޓިސްޓެކެވެ. އެހެން ނަމަވެސް ދެމީހުންނަށް ދެމީހުންގެ ކެރިއަރުގެ ގިނަ ކަންކަން ނޭނގޭކަމަށް ޕްރިޔަންކާ ވަނީ އިންޓަވިއުއެއްގައި ދާދިފަހުން ބުނެފައެވެ.
"އަހަރުމެން ދެމީހުންނަށް ދެމީހުންގެ ކެރިއަރުގެ ގިނަ ކަންކަމެއް ނޭނގޭ. އެހެންވެ ކައިވެނިކޮށްފައި ކުޑަ "ޝޯ އެންޑް ޓެލް"އެއް ބޭއްވީ. މީގަ ނިކް ވަނީ އަހަންނަށް އޭނާގެ ވަރަށް ގިނަ މިއުޒިކްތަކާއި ލަވަތައް ދައްކާފަ. އެކަމަކު އަހަރެންގެ ފިލްމުތައް އަހަރެން އޭނާއަށް ދެއްކީ ވަރަށް މަދުން. އެކަމަކު އޭނައަށް ކަމުދިޔައީ ދިލް ދަޅަކްނޭ ދޯ. އެފިލްމް އޭނަ ވަނީ ގިނަފަހަރު ބަލާފަ" ޕްރިޔަންކާ ބުންޏެވެ.
ޕްރިޔަންކާ ބުނި ގޮތުގައި އޭނާގެ ފިލްމްތަކުގެ ތެރެއިން ނިކްގެ ފޭވަރިޓަކީ ވެސް އެ ފިލްމެވެ.
އުމުރުގެ ގޮތުން ނިކްއަށްވުރެ ޕްރިޔަންކާ 10 އަހަރު ބޮޑުވުމުން ގިނަ ބައެއްގެ ފާޑުކިޔުން ވަނީ މި ދެމަފިރިނަށް އަމާޒުވެފައެޗެ. ޕްރިޔަންކާއާއި ނިކް ކައިވެނި ކުރީ ޑިސެމްބަރު 2، 2018 ގައެވެ.
