މާމައާ އެކު ނަވްޔާ ނެގި ފޮޓޯގައި ފޭނުން ބަލަން ބޭނުންވީ ފަހަތުގައި ހުރި ގޮނޑީގެ މައުލޫމާތު
މާމަ ޖަޔާ ބައްޗަންއާ އެކު ބައްދައިލައިގެން ނަވްޔާ ނަވޭލީ ނަންދާ ނެގި ފޮޓޯއެއް މީސް މީޑިޔާއަށް ދޫކޮށްލުމާ އެކު ފޭނުންނަށް އެންމެ އަޅައިގަތީ ދެ މާމައިންގެ ފަހަތުގައި ހުރި ރިހިކުލައިގެ ދެ ގޮނޑިއެވެ.
ރީނދޫ ކުލައިގެ ކުރުތާއަކާ އެކު ހުދު ދޯޕައްޓާއެއް އަޅައިގެން ނަވްޔާ ޖަޔާއާ އެކު ނެގި ފޮޓޯގައި ފެންނަނީ ދެމީހުން ވަރަށް ލޯބިން ބައްދައިލައިގެން ތިއްބައެވެ. އެހެން ނަމަވެސް ފޭނުންނަށް އަޅައިގަތީ ފޮޓޯގެ ބެކްގްރަައުންޑުގައި ހުރި ރިހި ކުލައިގެ ދެގޮނޑިއެވެ. މިއާ އެކު ފޭނުން ވަނީ މި ގޮނޑިއާ ބެހޭ ގޮތުން ސުވާލުކޮށް ކޮމެންޓްތައް ކޮށްފައެވެ. އެގޮތުން އެއީ ހަމަ އަސްލު ރިހި ދެ ގޮނޑިތޯ ނުވަތަ ރިހި ޕްލޭޓްތޯ ވެސް ބައެއް މީހުން ވަނީ ސުވާލުކޮށްފައެވެ.
ނަވްޔާ ދެކޭގޮތުގައި ޖަޔާއަކީ އޭނާގެ ދިިރިއުޅުމުގެ "އިންސްޕިރޭޝަނެ"ވެ. އަދި މާމައަކީ ގާތް އެކުވެރިއެއްކަމަށާއި ކޮންމެ ވަގުތަކު ވެސް މާމަ އެކުގައި ހުންނަކަމަށް ނަވްޔާ ވަނީ މީގެ ކުރިން ދިން އިންޓަރވިއުއެއްގައި ބުނެފައެވެ. ނަވްޔާ ބުނި ގޮތުގައި މަސައްކަތުގެ މާހައުލުގައި ވެސް މާމަގެ ނަސޭހަތާއި ލަފާ ހޯދުމަށް އޭނާ އަބަދުވެސް ސަމާލުކަން ދެއެވެ.
ކޮންމެއަކަސް ފޭނުންގެ ހޯދަން ބޭނުންވި މައުލޫމާތު ނަވްޔާ ބުނެދީފައެއް ނުވެއެވެ. އެހެން ނަމަވެސް ފެންނަ ފެނުމަށް އެގޮނޑި ހީވަނީ ހަމައަސްލު ވެސް ރިހި ގޮނޑިއެއްހެންނެވެ.
އަމީތާބް ބައްޗަަންއަށް ކާފަ ކިޔާ ނަވްޔާ ބޮލީވުޑަށް ނުކުމެދާނެކަމަށް ކުރިން ހީކުރެވުނު ނަމަވެސް ފިލްމީ ދާއިރާއަށް އޭނާގެ އެއްވެސް ޝައުގެއް ނެތް ކަމަށް އޭނާވަނީ ކުރިން ބުނެފައެވެ.
ދެ މާމަޔޭ