އިންޑިއާއާ ދެކޮޅު ޚިޔާލުތައް ޕްރޮމޯޓުކުރުން ހުއްޓައިލަން ރައީސް ޔާމީން އަރިހުގައި ތަކުރާރުކޮށް އެދޭނަން: ރައީސް ނަޝީދު
އަވައްޓެރި އިންޑިއާއާ ދެކޮޅު ޚިޔާލުތައް ޕްރޮމޯޓުކުރުން ހުއްޓައިލަން ކުރީގެ ރައީސް އަދި މިހާރުގެ އިދިކޮޅު ލީޑަރު ، ރައީސް ޢަބްދުﷲ ޔާމީން ޢަބްދުލްޤައްޔޫމް އަރިހުން ތަކުރާރުކޮށް އެދޭނެ ކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އިންޑިއާގެ "ދަ ހިންދޫ"އަށް ދެއްވި އެކްސްކްލޫސިވް އިންޓަވިއުއެއްގައި ރައީސް ނަޝީދުއާ ކުރެއްވި ސުވާލަކަށް ޖަވާބު ދެއްވަމުން އެމަނިކުފާނު ވިދާޅުވީ ރާއްޖޭގެ ޚާރިޖީ ސިޔާސަތުވާން ޖެހޭނީ "އިންޑިއާ ފަސްޓް" ކަމަށާއި އިންޑިއާއާ އެކު މި ސަރުކާރުން އިޤްތިޞާދީ އަދި އިޖުތިމާއީ ގާތް ގުޅުމެއް ވެސް އޮންނަ ކަމަށެވެ.
"ރާއްޖޭގެ ޚާރިޖީ ސިޔާސަތުތަކަކީ ހުރިހާ ސިޔާސީ ޕާޓީއަކަށް ވެސް އެއްބަސްވެވޭ ސިޔާސަތުތަކަށް ވާން އެބަ ޖެހޭ. އަދި އެއްވެސް ސިޔާސީ ޕާޓީއަކުން ޚާރިޖީ ގުޅުން އޮތް ގައުމަކާ ދެކޮޅަށް ޒާތީ ޚިޔާލުތަކެއް ޕްރޮމޯޓް ކުރެވިގެން ނުވާނެ. އިދިކޮޅު ފަރާތްތަކުން މިފަދައިން ކަންތައް ކުރުން ހުއްޓައިލުމަށް އަޅުގަނޑު ބުނާ ބުނުން ހުއްޓައެއް ނުލާނަން. އަދި އިދިކޮޅު ލީޑަރު ރައީސް (ޢަބްދުﷲ) ޔާމީން އަރިހު އަޅުގަނޑު އެދެމުން މިދަނީ އަދި ފަހުން ވެސް ތަކުރާރުކޮށް އެދޭނަން، ވަކި ގައުމަކާ ދެކޮޅުވާން ތި ގެންގުޅޭ ޚިޔާލުތައް ދޫކޮށްލާށޭ" ރައީސް ނަޝީދު ވިދާޅުވިއެވެ.
މި އިންޓަވިއުގައި ނޫސްވެރިޔާ ވަނީ ރާއްޖޭގެ ވެރިކަން ކުރާ ނިޒާމު ބައްދަލު ކުރެއްވުމަށް ރައީސް ނަޝީދު ކުރައްވާ މަސައްކަތާއި ރައީސްކަމަށް އަނެއްކާ ވެސް ވާދަ ކުރެއްވުމަށް އެމަނިކުފާނު ގެންގުޅުއްވާ ހިޔާލުތަކާ ގުޅޭގޮތުން ވެސް ސުވާލު ކުރައްވައިފައެވެ.
އެ ސުވާލަށް ޖަވާބު ދެއްވަމުން ރައީސް ނަޝީދު ވިދާޅުވީ ރާއްޖޭގައި އައު ގާނޫނު އަސާސީއެއް އުފެދުނީ 2008ގައި ކަމަށާއި އެއިރު ބޮޑަށް މަޝްވަރާ ކުރެވެމުން ދިޔައީ ވެސް ބަރުލަމާނީ ނިޒާމެއް ރާއްޖޭގައި ކަނޑައެޅުމަށް ކަމަށެވެ. ނަމަވެސް އެންމެ ފަހު ވަގުތު އެއިރުގެ ރައީސް މައުމޫނު ޢަބްދުލްޤައްޔޫމް ނިންމެވީ ރާއްޖޭގައި ހިނގަމުން ދިޔަ ރިޔާސީ ނިޒާމު ދަމަހައްޓަން ކަމަށް ވެސް ރައީސް ނަޝީދު ވިދާޅުވިއެވެ. ނަމަވެސް ގާނޫނު އަސާސީ ބަދަލު ގެނައުމާ ގުޅޭ ގޮތުން މިހާރުގެ ރައީސް އިބްރާހިމް މުޙައްމަދު ޞާލިޙާ މަޝްވަރާ ކުރައްވަމުން ގެންދަވާ ވާހަކައާއި، ގާނޫނު އަސާސީ އިސްލާހުކުރުމަށް ކުރެވިދާނެ ކަންކަން ވެސް މި ބައްދަލުވުންތަކުގައި މަޝްވަރާ ކުރައްވާ ކަމަށް ރައީސް ނަޝީދު ވިދާޅުވިއެވެ.
އެމްޑީޕީގެ ފަރާތުން ރިޔާސީ އިންތިހާބަށް ޕްރައިމެރީގައި ވާދަ ކުރެއްވުމާ ގުޅޭ ގޮތުން ރައީސް ނަޝީދު ވިދާޅުވީ އެކަމަށް ކުރިމަތިލެއްވި ކަމުގައިވިޔަސް އެމަނިކުފާނުގެ ވިސްނުންފުޅު ހުރީ ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރެއްވުމަށް ކަމަށެވެ.
ތަކުރާރުކޮށް އެދުނަސް އެއްފަހަރު އެދުނަސް ހާސަފަހަރު އެދުނަސް މިލިޔަން ފަހަރު އެދުނަސް މިނޫން ގޮވުމެއް ނެތް. އެދޭ ކޮންމެ ފަހަރަކަށް ގޮވާނަން. އިންޑިޔާ އައުޓް
އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް އިންޑިޔާ އައުޓް