އެމްއެންޕީ ރެޖިސްޓްރީކޮށްފި
ރާއްޖޭގެ އައު ސިޔާސީ ޕާޓީއެއްގެ ގޮތުގައި މޯލްޑިވްސް ނޭޝަނަލް ޕާޓީ (އެމްއެންޕީ) ރެޖިސްޓްރީ ކޮށްފިއެވެ.
އެ ޕާޓީން މިއަދު ކުރި ޓްވީޓެއްގައި ބުނެފައި ވަނީ ސިޔާސީ ޕާޓީީގެ ގާނޫނުގެ ދަށުން މިއަދު އެމްއެންޕީ ރަސްމީކޮށް ރަޖިސްޓްރީކޮށް ސިޔާސީ ޕާޓީތަކުގެ ދަފްތަރުގައި އެ ޕާޓީ ހިމަނައިފައިވާ ކަމަށެވެ.
ސިޔާސީ ޕާޓީއެއްގެ ގޮތުގައި އެމްއެންޕީ ރެޖިސްޓްރީ ކުރުމަށް ހުށަހަޅައިފައި ވަނީ މިދިޔަ ސެޕްޓެމްބަރު މަހުގެ 15 ވަނަ ދުވަހުގައެވެ. އެ ޕާޓީ ރެޖިސްޓްރީކުރުމަށް ހުށަހެޅީ 5،000އަށް ވުރެ ގިނަ މީހުންގެ ފޯމާ އެކުގައެވެ.
އަލަށް ރެޖިސްޓްރީ ކުރި އެމްއެންޕީގެ ރައީސަކީ ރައްޔިތުންގެ މަޖިލީހުގެ ދަނގެތީ ދާއިރާގެ މެންބަރު އަދި ކުރީގެ ޑިފެންސް މިނިސްޓަރު ކާނަލް މުޙައްމަދު ނާޒިމެވެ.
ހަ ނައިބު ރައީސުން ތިއްބަވާ އެމްއެންޕީގައި، އިންތިހާބަކަށް ނުގޮސް އެ މަގާމަށް ހޮވިފައި ވަނީ ހަތަރު ބޭފުޅުންނެވެ. އެއީ އެ ޕާޓީގެ އުތުރު ރީޖަންގެ ނާއިބު ރައީސަކަށް ހުސައިން އިސްމާއީލްއާއި މެދު ރީޖަންގެ ނާއިބު ރައީސަކަށް އަހްމަދު އުޝާމްއާއި މެދު ދެކުނު ރީޖަންގެ ނާއިބު ރައީސަކަށް އަބްދުﷲ ރިޔާޒުގެ އިތުރުން ދެކުނު ރީޖަނަށް އަހްމަދު ޝަރީފެވެ.
އެމްއެންޕީގެ މަތި އުތުރު ރީޖަންގެ ނާއިބު ރައީސަކީ ކުރީގެ ޖެންޑާ މިނިސްޓަރު ޝިދާތާ ޝަރީފެވެ. އަންހެނުންގެ ވިންގުގެ ލީޑަރަކީ ކުރީގެ ފޮރިން މިނިސްޓަރު ދުންޔާ މައުމޫނެވެ. އަދި އެ ޕާޓީގެ ޒުވާނުންގެ ވިންގުގެ ލީޑަރަކީ އުމައިރު އަހްމަދެވެ.
ބާޣީންގެ ޕާޓީދޯ (ބަޣާވަތު ޕާޓީ)