ސިފައިންގެ މީހާ ރަހީނުކުރުން: ވައްޑޭގެ ފާޑު ކިޔުން އަވަށްޓެރި ފުލުހުންނަށް!
ރޭގެ ވަގުތެއްގައި ރަހީނުކޮށް އަނިޔާ ކުރުމަށް ފަހު މިއަދު މަގުމައްޗަށް އެއްލައިލައިފައި އޮއްވާ ފެނުނު ސިފައިންގެ މީހާ ރަހީނު ކުރި މައްސަލައިގައި ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ)، ދިވެހި ފުލުހުންގެ "އަވައްޓެރި ފުލުހުންނަށް" ފާޑުވިދާޅުވެއްޖެއެވެ.
ވައްޑޭ ވިދާޅުވީ ސިފައިންގެ މީހަކު ހިފަހައްޓައި ތަޅާ އަނިޔާކުރާތީ އެހީއަށް އެދި އަޑުގަދަ ކުރަމުން ދަނިކޮށް އިތުރު ގްރޫޕެއް ގުޅި އަނިޔާކޮށް ހޭނައްތައިލައިގެން ކޮޓަރިއަކަށް ވައްދާ ރަހީނު ކުރަން ވަގުތުތަކެއް ނަގާނެކަމަށާއި މިވަރު ކުރާއިރު ‘އަވައްޓެރި ފުލުހުންނަށް’ ފާހަގަނުވާކަމީ ބިރުވެރި ކަމެއްކަމަށެވެ.
"ސިފައިންގެ މީހަކު ހިފަހައްޓައި ތަޅާ އަނިޔާކުރާތީ އެހީއަށް އެދި އަޑުގަދަ ކުރަމުން ދަނިކޮށް އިތުރު ގްރޫޕެއް ގުޅި އަނިޔާކޮށް ހޭނައްތާލައިގެން ކޮޓަރިއަކަށް ވައްދާ ރަހީނު ކުރަން ވަގުތުތަކެއް ނަގާނެ. މާލޭ މަގުމަތީ މިވަރުކުރާއިރު ‘އަވައްޓެރި ފުލުހުންނަށް’ ފާހަގަނުވާކަމީ ބިރުވެރި ކަމެއް." ވައްޑޭގެ ޓްވީޓްގައި ވިދާޅުވިއެވެ.
އިތުރު ޓްވީޓެއްގައި ވައްޑޭ ވިދާޅުވީ މީހުން ރަހީނު ކުރުން، ބޮން ގޮއްވުން ފަދަ ފިތްކަނޑައިގެންދާ ވަރު ބިރުވެރި ކަންކަން ތަކުރާރުވިޔަ ނުދިނުމަށް، ސަލާމަތީ ހުރިހާ ޚިދުމަތްތަކެއް ގުޅިގެން ނުކުމެ، އަވަސް، ބޮޑެތި ފިޔަވަޅުތަކެއް އަޅާތަން ފެންނާން ޖެހޭކަމަށެވެ.
އެމްއެންޑީއެފް ކޯސްޓްގާޑުގައި މަސައްކަތް ކުރާ އުމުރުން 37 އަހަރުގެ ޙަސަން ފަޙީމް ރަހީނު ކުރީ މާފަންނު އޭސް ހާޑްވެއާ ކައިރީގައި އޮންނަ ގޯޅިގަނޑަކުން ރޭ 11:30 ހާއިރު ހިނގައިފައި ދަނިކޮށް ކަމަށް މަޢުލޫމަތު ލިބެއެވެ. އަދި ފަހީމްއަށް ރަހީނުކޮށް، އަނިޔާ ކުރި މައްސަލައިގައި މިހައިތަނަށް އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން ވަނީ ވިދާޅުވެފައެވެ.
މާލޭގައި ފަހަކަށް އައިސް މިފަދަ މައްސަލަތައް ފެންމަތިވާލެއް ގިނަ ކަމަށް ބުނެ ގިނަ ބަޔަކު ދަނީ ކަންބޮޑުވުން ފާޅު ކުރަމުންނެވެ.
ސަލާމަތީބާރުތަކަންދަންދަނީމީހުންގިނަކުރަމުން ރޔާމީންފިޔަވާދެންއެއްވެސްމީހަކަންކަމެއްނުކުރެވެ ކުންތާތައްނެރެގެންއެމީހުންހޯދަންވީނުއެމީހުންތިބޭނެމިހާރުއެއްމެންގެމައްޗައް ގަދަވެވުނީމާއުފާފާޅުކުރަން މަސްތިވެގެންއެމީހުންގެންދިޔައަސް ގެންދިއުމާ ދޫކޮންލުމާއެކިއެކީގަދާނި
އަވައްޓެރި ކުލީ ސިފައިންގެ ބަޔަކު ލައްވާ ކުރުވާ ކަމެއް ނޫންބާ
ސިފައިން ނާއި ފުލުހުންނާ އަޅައގަނެގެން މިކަލޭގެ މިއުޅެނީ ކީއްވެ؟ އިންޑިޔާ ސިފައިން ތިކަމަށް ބައިތިއްބަންވީނު.