މަޖިލީހުގައި އަންހެން މެމްބަރުންނަށް ޚާއްސަ އަދަދެއް ކަނޑައަޅަން ލަފާ ދީފި
ރައްޔިތުންގެ މަޖިލީހުގެ މެމްބަރުގެ ތެރޭގައި ވަކި އަދަދަކަށް އަންހެން މެމްބަރުން ތިބޭނެހެން އަންހެނުންނަށް ޚާއްސަކޮށް ވަކި އަދަދެއް ކަނޑައެޅުމަށް، އަންހެނުންނަށް ކުރާ އެންމެހާ ތަފާތުކުރުންތައް ނައްތާލުމާ ބެހޭ އދ.ގެ ބައިނަލްއަގްވާމީ މުއާހަދާގެ ކޮމިޓީން ދިވެހި ސަރުކާރަށް ލަފާ ދީފިއެވެ.
ރާއްޖޭގެ ސިޔާސީ ދާއިރާގައި އަންހެނުން ތަމްސީލްކުރާ މިންވަރު އިތުރު ކުރުމަށް ޓަކައި ގާނޫނުތަކަށް އިސްލާހު ގެނައުމަށް އެ ކޮމިޓީން ރާއްޖޭގެ ސަރުކާރަށް ލަފާ ދީފައި ވަނީ މިދިޔަ އޮކްޓޯބަރު މަހުގެ 18އިން ނޮވެމްބަރު މަހުގެ 12 ވަނަ ދުވަހަށް ކުރިއަށް ގެންދިޔަ ބައްދަލުވުމަށްފަހުގައެވެ.
މި ގޮތުން އެކޮމިޓީން ދިވެހި ސަރުކާރަށް ވަނީ ދެ ގާނޫނަކަށް އިސްލާހު ގެނައުމަށް ލަފާ ދީފައެވެ. އެއީ މަޖިލީހުގެ ގާނޫނާއި ސިޔާސީ ޕާޓީތަކުގެ ގާނޫނެވެ. މިގާނޫނުތަކަށް ގެންނަން ލަފާ ދިން އިސްލާހުތަކަކީ ޕާޓީތަކުގެ އެތެރޭގެ އިންތިޚާބުތަކުގައި އަންހެނުންނަށް ވަކި އަދަދެއް ޚާއްސަކުރުމުގެ އިތުރުން ނިންމުން ނިންމާ، އިސް މަގާމުތަކުގައި ދެ ޖިންސު ހަމަހަމައަށް އޮންނަން ލާޒިމު ކުރުމުގެ އިސްލާހާއި ސިޔާސީ މަގާމުތަކަށާއި ސަރުކާރު ކުންފުނިތަކުގެ ބޯޑުތަކަށް ވެސް އަންޔަންކުރާ އަންހެނުންގެ އަދަދު އިތުރު ކުރުމަށް ހުށައެޅި އިސްލާހެވެ.
ރައްޔިތުންގެ މަޖިލީހުގެ 19 ވަނަ ދައުރުގައި އެމަޖިލީހުގެ 87 މެމްބަރުން ތިއްބަވާއިރު އޭގެ ތެރޭގައި ހިމެނެނީ 4 އަންހެން މެމްބަރުންނެވެ.
މީގެ އިތުރުން ރަށު ކައުންސިލްތަކުގެ ގޮނޑިތަކުގެ ތެރެއިން ދެ ގޮނޑި އަންހެނުންނަށް ހާއްސަކޮށް މިިއަހަރު ބޭއްވި ލޯކަލް ކައުންސިލް އިންތިހާބުގައި ، ކޮންމެ ރަށު ކައުންސިލަކަށް ވަނީ އަންހެން ދެ މެމްބަރުން އިންތިޚާބުކޮށްފައެވެ.
ވަރައްދެރަަ މުޅިންވެސްް އޮޅުވާލުމާއިި މަކަރުހެދުންް ނޫންކަމެެއްނުފެނޭޭ އަބަދުމެެ ދައްކަނީީ ޚިޔާލީީ ވާހަކަަ ދިވެހިފައިސާގެެ އަގެއްނެތްް ތަކެއްޗާއިި ޚިދުމަތްތަކުގެެ އަގުތައްް ފަތުއަޑުކިޔާފަަ ބާރައްބާރައްް މައްޗައްް ކަރަންޓްް ފެންް ކުނިއުކުންް އިންތިހާޔައްް އުނދަގޫކޮއްފިި ގޯތިގެދޮރުގަަ ފަގީރުު ނިކަމެތިންނައްް ނޫޅެވޭމިންވަރައްް އުނދަގޫކޮއްފިި އެކަކުއަނެކަކައްް މޫނުދިމާނުކުރެވޭޭ މިންވަރައްް ދަރައިފިި ރާއްޖެެ ދިވެހިންއަތުންބީވާމިންވަރައްް ދަރުވާލައިފިި ނަފުސާނީވާމިީހުންް ހައްދުންނެއްޓޭމިންވަރައްް މައްޗައް