އެމްޑީޕީއިން ވެރިކަމުގައި 5 އަހަރު އޮވެއްޖެ ނަމަ ޤައުމު ހޯދައި ނުފެންނާނެ: ޝިޔާމް

އެމްޑީޕީއަށް ވެރިކަމުގައި 5 އަހަރު ތިބެވިއްޖެ ނަމަ ޤައުމު ހޯދައި ނުފެންނާނެ ކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެންބަރު އަދި ޕީޕީއެމްގެ ނައިބުރައީސް އަޙްމަދު ޝިޔާމު ވިދާޅުވެއްޖެއެވެ.

Ads by Hajj Corporation

ޝިޔާމް މިފަދައިން ވިދާޅުވީ ރައީސް ޔާމީނަކީ ދިވެހި މާލިއްޔަތު ރޭޕުކޮށްލެއްވި ބޭފުޅެއް ކަމާ މެދު ޝައްކު އުފެދޭ ދިވެހި ރައްޔިތަކު ނެތްކަމަށް އިހަވަންދޫ ދާއިރާގެ މެމްބަރު މުޙައްމަދު ޝިފާޢު ވިދާޅުވުމާ ގުޅިގެންނެވެ.

ޝިފާޢު ދެއްކެވި ވާހަކަފުޅާ ގުޅިގެން ކުރެއްވި ޓުވީޓެއްގައި ޝިޔާމް ވަނީ ރައީސް އިބްރާހީމް މުޙައްމަދު ޞާލިޙު ކުރެއްވި މަސައްކަތެއް ނުދައްކައި، ދައުލަތަށް އާމްދަނީގެ ގޮތުގައި ލިބުނު 64 ބިލިއަން ރުފިޔާ ހިތުހުރި ގޮތަަށް ޚަރަދުކޮށް ރައްޔިތުން 40 ބިލިއަން ރުފިޔާއިން ދަރުވައިލީ އެހެންވެގެންތޯ ސުވާލު ކުރައްވައިފައެވެ.

މީގެ އިތުރުން އެންމެ ތިން އަހަރުގެ ތެރޭގައި ދައުލަތުގެ ދަރަނި 40 ބިލިއަން ރުފިޔާއަށް ވުރެ މައްޗަށް ގޮސްފައިވާ ކަމަށް ޝިޔާމް ވިދާޅުވިއެވެ. އަދި “މިވެރިން 5 އަހަރު ވެރިކަމުގައި ތިބެއްޖެ ނަމަ ޤައުމު ހޯދާ ނުފެންނާނެކަން ޔަގީން” ކަމަށް ޝިޔާމް ވިދާޅުވިއެވެ.