އިންޑިއާ އަސްކަރިއްޔާ ރާއްޖޭގައި ތިބުމާ ނަޝީދު ވެސް ދެކޮޅު، ރައްޔިތުންގެ ފެންނަ ނުފެންނަ ވޯޓެއް ނަގާ: ރައީސް ޔާމީން
ރާއްޖޭގައި އިންޑިއާ ސިފައިން ތިބުމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވެސް ދެކޮޅު ކަމަށް އިދިކޮޅު ލީޑަރު ރައީސް ޔާމީން ވިދާޅުވެއްޖެއެވެ.
އިދިކޮޅުން ހިންގާ "އިންޑިއާ އައުޓް" ކެންޕެއިނަށް ކ. ތުލުސްދޫއަށް ވަޑައިގެން އާންމުންނާ މުޚާޠަބުކުރައްވަމުން ރައީސް ޔާމީން ވިދާޅުވީ ޤާނޫނު އަސާސީން ރައީސުލްޖުމްހޫރިއްޔާއަށް ރައްޔިތުންގެ ފެންނަނުފެންނަ ވޯޓު ނެގުމުގެ ބާރު ލިބިފައިވާ ކަމަށެވެ.
މީގެ އިތުރުން ރައީސް ޔާމީން ވިދާޅުވީ ވެރިކަމުގެ ނިޒާމު އެހެން ނިޒާމަކަށް ފުރޮޅައިލުމުގެ ކުރިން އިންޑިއާ ސިފައިން ރާއްޖޭގައި ތިބުމާ މެދު ރައްޔިތުން ދެކޭ ގޮތެއް އޮޅުންފިލުވަން ވޯޓެއް ނެގުން މާ މުހިންމު ކަމަށެވެ.
ރައީސް ނަޝީދު މިއަދު ކުރެއްވި ޓުވީޓެއްގައި ވިދާޅުވީ އިންޑިއާއަށް ދިވެހިރާއްޖޭގައި އޮތް ދައުރަކީ ދިވެހިންނަށް އޮޅިފައިވާ ދައުރެއް ނޫން ކަމަށާއި އިންޑިއާ ކަނޑުގައި ދިވެހިރާއްޖޭގެ ދައުރަކީ ކޮބައިކަން ވެސް ދިވެހިންނަށް ނޯޅޭ ކަމަށެވެ. މިކަމާ ގުޅިގެން ރައީސް ޔާމީން ވިދާޅުވީ ރައީސް ނަޝީދުގެ ޓުވީޓުން ދޭހަވަނީ އިންޑިއާ އައުޓޭ ނުކިޔުނު ނަމަވެސް އިންޑިއާ މިލިޓަރީ އައުޓޭ ކިޔުމަކީ މައްސަލައެއް ނޫން ކަމަށެވެ.
“އެހެން ނޫންތޯ ނަޝީދު އެ ވިދާޅުވީ. އިންޑިއާ އައުޓްއެކޭ ނުބުނެވޭނެއޭ އެކަމަކު އިންޑިއާ މިލިޓަރީ ރާއްޖޭގައި ނުތިބެވޭނެއޭ. އެކަން ވަރަށް ސާފު ދެއްތޯ ކުރެއްވި ޓްވީޓުން ވެސް” ރައީސް ޔާމީން ވިދާޅުވިއެވެ.
މީގެ އިތުރުން ރައީސް ޔާމީން ވިދާޅުވީ އިންޑިއާ އަސްކަރިއްޔާ ރާއްޖޭގައި ތިބުމާ މެދު ދިވެހިން ދެކޭ ގޮތެއް ބެލުމަށް ވޯޓެއް ނަގައިފި ނަމަ "ސައްޕެއްޖަހައި ސަރުކާރާއި އިންޑިއާ ސިފައިން ވެސް ދިވެހިން ބޭރުކުރާނެ" ކަމަށެވެ.
ރައީސްނަޝީދުގެ ޓްވީޓް ރައީސްޔާމީން ތަރުޖަމާ ކުރެއްވީ ވަރަށް ތަފްޞީލް ކޮށް ރައްޔިތުންނަށް ފަހުމް ވާނެވަރަށް ޝުކުރިެްޔާ. ދެރައީސުންނަށް.
އިންޑިޔާ ބޮޑުވުމަކީ އިންޑިޔާ ކަޑު ކިޔަންޖެހޭ ސަބަބެއްތޯ ؟ މިކިޔާ އިންޑިޔާ ކަންޑަށް ނިސްބަތްވަނީ ހަމައެކަނި އިންޑިޔާއެއްނޫން، އެކަޑަކީ ދިވެހިރާއްޖެ އާއި ސިރީލަންކާ އާއި އަރަބި ޤައުމު ތަކާއި ބަޔެއް އެފްރިކާގެ ޤައުމުތަކާއި އިރުމަތީ އޭޝިޔާގެ ޤައުމުތަކެއްވެސް ނިސްބަތްވާ ކަންޑެއް އެހެންކަމުން ހަމައެކަނި އިންޑިޔާކަޑު ކިޔާކަށެެއް ނުޖެހޭ ކަންޑުގެ ނަން ޗާޓުން ބަދަލް ކުރަންޖެހޭ ކަމުގައި ދެކެނީ !