ތަރައްގީއަށް ކުރާ ކޮންމެ ކަމެއްގައި ސަރުކާރުގެ ފަހަތުގައި ތިބޭނަން: ނާޒިމް
ރާއްޖޭގެ ތަރައްގީއަށް ކުރާ ކޮންމެ ކަމެއްގައި ވެސް ސަރުކާރުގެ ފަހަތުގައި ތިބޭނެ ކަމަށް މޯލްޑިވްސް ނޭޝަނަލް ޕާޓީ (އެމްއެންޕީ)ގެ ރައީސް މުހައްމަދު ނާޒިމް ވިދާޅުވެއްޖެއެވެ.
ރައްޔިތުންގެ މަޖިލީހުގެ ހުސްވެފައިވާ ކޮމަންޑޫ ދާއިރާއަށް އެމްއެންޕީގެ ފަރާތުން ވާދަކުރައްވާ އަބްދުލްހަންނާނު އިދުރީސްގެ ހުޅުމާލޭގެ ކެމްޕޭން ޖަގަހަ ހުޅުވުމަށް ރޭ ބޭއްވި ރަސްމިއްޔާތުގައި ވާހަކަދައްކަމުން ދަނގެތީ ދާއިރާގެ މެމްބަރު ނާޒިމް ވިދާޅުވީ، ތަރައްގީއަށް ކުރާ ކޮންމެ ކަމެއްގައި ސަރުކާރުގެ ފަހަތުގައި ތިބޭނެ ކަމަށާއި އެމްއެންޕީއަކީ ރައްޔިތުންގެ ބައެއް ކަމަށެވެ.
"ރައްޔިތުންނަށް ހުވަފެން ނުދައްކަވާ ސަރުކާރުން ކުރަންވީ ކަމަކީ އަޅުގަނޑުމެން ދައްކާ ވާހަކަ މިއަދު އަޑު އަހަންވީ. އަޅުގަނޑުމެންނަށް ރަށްރަށުގެ ކަންކަން އެނގޭނީ. އަޅުގަނޑުމެން ނުވަންނަ ގެއެއް ނުހުންނާނެ. އަޅުގަނޑުމެންނަށް ރައްޔިތުންގެ އިހުސާސްތައް އެނގޭނީ" އެމްއެންޕީގެ ރައީސް ވިދާޅުވިއެވެ.
މީގެ އިތުރުން ނާޒިމް ވިދާޅުވީ، ކޮމަންޑޫ ދާއިރާގެ ކެމްޕެއިނަށް މިހައިތަނަށް ދެ ވެރިއަކު އެ ދާއިރާއަށް ޒިޔާރަތްކޮށްފި ކަމަށާއި، ނަމަވެސް އެ ބޭފުޅުން ތިއްބެވީ ތޮށިގަނޑު މަތީގައި ކަމަށެވެ. އެއާ ހިލާފަށް އެމްއެންޕީން ރައްޔިތުންގެ އިހުސާސްތައް ދެނެގަންނަނީ ގޭގެއަށް ޒިޔާރަތްކޮށްގެން ކަމަށް ވެސް ނާޒިމް ވިދާޅުވިއެވެ.
ކަލޭ އަމައޭ ނުކިޔަބަލަ!! ޓިޔަ ޕާޓީ އަކީ އިންޑިޔާގެ ޕާޓީއެއް . ކިހިނެއް ދިވެހި ރައްޔިތުން ވޯޓް ދޭނީ.. ފެއްސިގަނޭ ހައްކާޅު.