ޤާސިމްގެ އިންޒާރެއް ރައްޔިތުންނަށް: ކުރިޔަށް އޮތް ދެ އަަހަރު އެއްވެސް މީހަކަށް ރައީސް ޞާލިޙް ވެރިކަމުން ނުބޭލޭނެ
ކުރިޔަށް އޮތް ދެ އަހަރު ވެރިކަމުގައި ހުންނަވާނީ ރައީސް އިބްރާހީމް މުޙައްމަދު ޞާލިޙްކަމަށް، ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރު ޤާސިމް އިބްރާހީމް ވިދާޅުވެއްޖެއެވެ.
އަންނަ ހޮނިހިރު ދުވަހު ބާއްވާ ކޮމަންޑޫ ދާއިރާގެ ބައިއިލެކްޝަންގައި އެމްޑީޕީއަށް ތާއީދު ހޯދަން ށ.ފޯކައިދޫގައި އެމްޑީޕީން ބޭއްވި ޖަލްސާގައި ބައިވެރިވެ ވަޑައިގެން ދެއްކެވި ވާހަކަފުޅުގައި ޤާސިމް ވިދާޅުވީ، ދާއިރާއަށް ތަރައްޤީ އަންނާނީ ސަރުކާރުގެ މެންބަރަކު ހޮވައިގެން ކަމަށެވެ. ރިޔާސީ އިންތިޚާބުގައި ބޭނުން މީހަކަށް ވޯޓް ލާންވީ ކަމަށާއި ނަމަވެސް ތަރައްޤީ ބޭނުން ނަމަ، މި އިންތިޚާބުގައި އެމްޑީޕީ ކެނޑިޑޭޓް ހޮވަން ޖެހޭ ކަމަށް ވިދާޅުވިއވެެ.
"ކުރިޔަށް އޮތް ދެ އަހަރުގެ ތެރޭގައި، މި އިންނެވި ރައީސުލްޖުުމްހޫރިއްޔާ، އިބްރާހީމް މުޙައްމަދު ޞާލިހް، މާﷲ ގެ ވާގިފުޅާއެކުގައި، އެ މަޤާމުގައި ދެމި އިންނަވާނެ. ނުބޭލޭނެ އެއްވެސް މީހަކަށް އިރާދަ ކުރެއްވިއްޔާ" ޤާސިމް ވިދާޅުވީ، މި ގޮނޑި ނުލިބުނަސް ވެރިކަމުގައި ހުންނަވާނީ ރައީސް ޞާލިހް ކަމަށެވެ.
ކޮމަންޑޫ ދާއިރާގައި މިހާރު ކުރިޔަށްދާ ތަރައްޤީގެ ޕްރޮޖެކްޓުތަކާ ގުޅޭ ގޮތުން ވާހަކަފުޅު ދައްކަވަމުން ޤާސިމް ވިދާޅުވީ، އެމްޑީޕީއަކީ ހަމައެނި ވައުދުވާ ޕާޓީއެއް ނޫން ކަމަށާއި ވައުދުތައް ފުއްދަމުންދާ ތަން މިއަދު ފެންނަން އެބަހުރި ކަމަށެވެ.
އަދި ކޮމަންޑޫ ދާއިރާގެ މެންބަރުންނަށް މަންފާއާއި ފައިދާ ކުރާނީ އަދި ރާއްޖޭގެ ތަރައްޤީއަށް ޓަކައި މި ގޮނޑި އެމްޑީޕީއަށް ދީގެން ކަމަށް ޤާސިމް ތަކުރާރުކޮށް ވިދާޅުވިއެވެ.
ގާސިމަކީ ގަޓުހުރި ކެރޭ މީހެއް
ސާބަސް ގާސިިމާ 2023ގައިވެސް އެމްޑީޕީއަށް ވެރިކަން ހޯދަދޭން ފޫގަޅަންވާނެ އެންމެން ގާސިމާއެކީވާނަން