ސިންގަޕޫރަށް ކުރެއްވި ދަތުރުފުޅު ނިންމަވައިލައްވައި ރައީސްގެ ދެކަނބަލުން ރާއްޖެ ވަޑައިގެންފި
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އަނބިކަނބަލުން ފަޒްނާ އަޙްމަދު ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވައިލައްވައި މިއަދު މާލެ ވަޑައިގެންފިއެވެ.
ރައީސުލްޖުމްހޫރިއްޔާގެ ދެކަނބަލުން ނުރަސްމީ ދަތުރުފުޅެއްގައި ސިންގަޕޫރަށް ވަޑައިގެންނެވީ މިމަހުގެ 10 ވަނަ ދުވަހުގައެވެ.
ރައީސްގެ ދެކަނބަލުން މިއަދު އެނބުރި ރާއްޖެ ވަޑައިގެންފައިވާކަން ރައީސް އޮފީހުން ހާމަ ކުރައްވާފައިވީ ނަމަވެސް، އެ ދަތުރުފުޅަކީ ނުރަސްމީ ދަތުރުފުޅަކަށްވާތީ، ދަތުރުފުޅާ ގުޅޭގޮތުން އިތުރު ތަފްސީލެއް ހާމަ ކުރައްވައިފައެއް ނުވެއެވެ.
ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވައިލެއްވުމަށް ފަހު ރައީސްގެ ދެކަނބަލުން އެނބުރި މާލެ ވަޑައިގެންނެވީ މިއަދު މެންދުރުގެ ވަގުތެއްގައެވެ.
މިފަދަ ދަތުރުފުޅެއް ރައީސްގެ ދެކަނބަލުން އެންމެ ފަހުން ކުރައްވައިފައި ވަނީ އައު އަހަރާ ދިމާކޮށް، އަވަށްޓެރި ޝްރީލަންކާއަށެވެ.
