ރައީސް ނަޝީދު ގޮވަނީ ކޮސް: ރައީސް ޔާމީން
"އިންޑިއާ އައުޓް" ހަރަކާތުގައި ޕީޕީއެމްއަށް ސަޕޯޓްކުރާ ފަރާތްތައް ބައިވެރިނުވުމަށް މަޖިލީހުގެ ރައީސް، ރައީސް މުޙައްމަދު ނަޝީދު ގޮވައިލެއްވުމާ ގުޅިގެން، އިދިކޮޅު ލީޑަރު ރައީސް ޔަމީން އަބްދުލްޤައްޔޫމް، ރައީސް ނަޝީދަށް ވަރުގަދަ ރައްދެއް ދެއްވައިފިއެވެ.
މިއަދު އދ. މަހިބަދޫއަށް ވަަޑައިގެން އެ ރަށުގައި "އިންޑިއާ އައުޓް" ހަރަކާތް ބާއްވަވައި ރައްޔިތުންނާ ދެއްކެވި ވާހަކަފުޅުގައި ރައީސް ޔާމީން ވިދާޅުވީ، ރައީސް ނަޝީދު ގޮވަމުން ދަނީ "ކޮސް"ކަމަށެވެ.
ރައީސް ނަޝީދު މިއަދު ކުރެއްވި ޓުވީޓެއްގައި ވިދާޅުވީ އިންޑިއާ އައުޓް ހަރަކާތަކީ ދިވެހިންނަށް ގެއްލުން ދޭނެ ހަރަކާތެއް ކަމަށެވެ. ނަޝީދު ވަނީ އެ ހަރަކާތުގައި ބައިވެރި ނުވުމަށް އިލްތިމާސްކުރައްވައިފައެވެ.
"ރައީސް ޔާމީން އިންޑިއާއާ ދެކޮޅަށް ހިންގަވާ ހަރަކާތަކީ ރައްޔިތުންގެ ތާއީދު ނެތް، ދިވެހިންނަށް އޭގެން ގެއްލުން ދޭނެ ކަމެއް. ޕީޕީއެމްގެ މެންބަރުން ކިބައިން ވަރަށް އިހްލާސްތެރިކަމާ އެކު އަޅުގަނޑު އެދެނީ ގައުމުތަކާ އިދިކޮޅު ހަރަކާތުގައި ބައިވެރި ނުވުމަށް،"ރައީސް ނަޝީދު ވިދާޅުވިއެވެ.
ރައީސް ނަޝީދުގެ ވާހަކަފުޅަށް ރައްދު ދެއްވަމުން ޔައީސް ޔާމީން ވިދާޅުވީ، ނަޝީދަކީ ޕީޕީއެމް މެމްބަރުންނަށް ގޮތް ކިޔޭނެ މީހެއް ނޫން ކަމަށެވެ. ރައީސް ނަޝީދުގެ ގޮވައިލެއްވުންތަކަށް އިޖާބަދީ އަޑުއަހާނެ މެންބަރަކު ޕީޕީއެމްގައި ނުހުންނާނެ ކަމަށާއި އެވަރު އެނގިވަޑައިނުގަންނަވާ ބޭފުޅުން ސިޔާސީ ކަންކަމުގައި އުޅުއްވުމަކީ ލަދުވެތިކަމެއް ކަމަށް ވެސް ރައީސް ޔާމީން ވިދާޅުވިއެވެ،
"ރައީސްކަން ކޮށްފައިވާ މީހަކު މި ބުނަނީ އަޅުގަނޑުމެން މެމްބަރުން ކައިރީ މިހަރަކާތުގައި ބައިވެރިނުވާން. މީނަ ދައްކާ ވާހަކަ ގަބޫލު ކުރާނީ ކާކުތޯ. ޕީޕީއެމް މެމްބަރުން ކައިރީގައި އޭނާ މި ބުނަނީ މިހަރަކާތުގައި ބައިވެރިނުވާން." ރައީސް ޔާމީން ވިދާޅުވިއެވެ.
ރައީސް ޔާމީންގެ ވާހަކަފުޅުގައި އިތުރަށް ވިދާޅުވީ، ވެރިކަމަށް ކުރިމަތިލެވޭ މީހުންގެ ޝަރުތުތައް އަލުން ކަނޑައަޅަން ޖެހޭ ކަމަށެވެ. އަދި ރައީސް ނަޝީދު ފަދަ ހަނދާން ބަލި ބޭފުޅުންނަށް ދެން ފުރުސަތު ދިނުމާ މެދު ރައްޔިތުން ވިސްނައިލާން ޖެހޭ ކަމަށް ވެސް ވިދާޅުވިއެވެ.
"ދިވެހިރާއްޖޭގެ ރައީސް ކަމަށް ކުރިމަތިލާ މީހުން، އަދި މަޖިލީހަށް ކުރިމަތިލާ މީހުންގެ ޝަރުތުތައް، ލިޔަން ކިޔަން އެނގުން ޝަރުތަކަށް ނުފުދޭ ނޫންތޯ" ރައީސް ޔާމީން ވިދާޅުވިއެވެ.
ދޭތިވެސް ތިގޮވަނީ ކޮސް، މިހާރު ބަލާއެ*ތީ ދެން.
ނަޝީދު އަކީ އަބަދުވެސް ކޮސް ވާހަކަ ދައްކާ މީހެއްކަން މިއަދު އިންޑިއާގެ ސިޔާސީ އިސް ފަރާތަށަވެސް އެގޭ!
މިތާ އިދިކޮޅަށް ލިޔެފަ ތިބި ގައުމުްގެ އައްދާރުން ޢަބްދުﷲ ޔާމީން ގެންނެވިވފަސެހަގެ ބޭނުންކޮށް ޔާމީނަށް އެއްޗެހި ގޮވިމަކީ އެމީހަކީ ތާކުން ތާކު ނުޖެހޭ މީހެއްކަން ދޭހަވާ ކަމެއް.
ޢަހަނ. މިސަރުކާރު އައި ފަހުން ރައްޔިތުންނަށްވި ފަސޭހަ އެއް ނެތް. އިގްތިސާދީގޮތުން ، އިލްމީ ގޮތުން، މާލީގޮތުން، ޢުމްރާނީ ގޮތުން، އިޖްތިމާޢީގޮތުން، އަޚްލާގީ ގޮތުން!! ނުވިތާކަށް ޑޮލަރު އިނތިހާ އަށް ބޮޑު. ގައުމް އަޅުވެތިވެ ދަނީ!! ޢެކަމަކު އެމް ޑީޕީގެ ތާކުން ތާކު ނުޖެހޭ ސޮހޮލުން ޔާމީނާ އަޅައިގަނެގެން ނުނެއްޓިފަ!! ހަޔާތްކުޑަ ކަމުގެ ނަމޫނާ ބައއް.