އިންޑިއާގެ ނޭވީއަށް ނޭނގި ތަމަޅައިންނަށް ރާއްޖެއަކަށް ނާދެވޭނެ: ރައީސް ޔާމީން
1988ވަނަ އަހަރު ނޮވެންބަރު މަހުގެ 3ވަނަ ދުވަހު ރާއްޖެއަށް ކުރިމަތިވި ޢުދުވާނީ ޙަމަލާ ދިން ތަމަޅަ ޓައިގަރުންނަށް އިންޑިއާގެ ނޭވީއަށް ނޭނގި ރާއްޖެއަށް ނާދެވޭނެ ކަމަށް ވިދާޅުވެ، ބަޑި ބުރާސްފަތީގެ ހާދިސާއާ އިންޑިއާއާ ގުޅުވާ ރައީސް ޔާމީން ސުވާލުތަކެއް އުފައްދަވައިފިއެވެ.
ރައީސް ޔާމީން މިފަދައިން ވިދާޅުވީ، އިދިކޮޅު ކޯލިޝަނުން ހިންގާ އިންޑިއާ އައުޓް ކެމްޕެއިންގައި އދ. މަހިބަދޫގައި މިއަދު ބޭއްވި އެއްވުމުގައި ވާހަކަފުޅު ދައްކަވަމުންނެވެ.
ނޮވެންބަރު 3ވަނަ ދުވަހުގެ އުދުވާނީ ހަމަލާއަކީ، އަވައްޓެރި ސްރީ ލަންކާގެ ތަމަޅަ ޓެރެރިސްޓް ޖަމާޢަތެއް ކަމުގައިވާ ޕީޕަލްސް ލިބަރޭޝަން އޯގަނައިޒޭޝަން އޮފް ޓެމިލް އީލާމްއާ ދިވެހިންގެ ބަޔަކު ގުޅިގެން ދިން ހަމަލާއެކެވެ. މި ހަމަލާގައި 19 ދިވެހިން ވަނީ ޝަހީދުކޮށްލައިފައެވެ.
ރައީސް ޔާމީން ދެއްކެވި ވާހަކަފުޅުގައި ވިދާޅުވީ، ނޮވެންބަރު 3ވަނަ ދުވަހުގެ ހާދިސާއާ ގުޅިގެން ދިވެހިން ކުރަން ޖެހޭ ސުވާލެއް އެބައޮތް ކަމަށެވެ.
"އިންޑިއާއިން އެހައި ވަރުގަދައަށް އިންޑިއާއާއި ސިލޯނުގެ ސަރަހައްދު ބަލަހައްޓަމުން ދިޔައިރު، އިންޑިއާގެ މިލިޓަރީއަށް ނޭނގި، ނޭވީއަށް ނޭނގި، ކިހިނެތްތޯ ކުޑަކުޑަ ޑިންގީ ގަނޑެއްގައި، މަސް ބޯޓު ގަނޑެއްގައި ހަތިޔާރު ހިފައިގެން ދިވެހިރާއްޖެއަށް މިސްރާބު މި ޖެހީ. މިއީ ވަރަށް ޖާއިޒް ސުވާލު، އެ މީހުންނަށް ނޭނގި މިތަނަށް ނާދެވޭނެ، އެ މީހުންނަށް ނުފެނި މިތަނަކަށް ނާދެވޭނެ. އެ މީހުންނަށް ނުފެނި ސިލޯނުގެ ކަނޑުގެ ތެރެއިން ނުވެސް ނިކުމެވޭނެ" ރައީސް ޔާމީން ވިދާޅުވީ، އެ ހަމަލާގައި އިންޑިއާގެ ރޯލަކީ އިއްތިފާޤެއް ނޫން ކަމަށެވެ.
"ސިލޯނުން ނިކުމެގެން 18 ގަޑިއިރު، ނޫނީ އެއަށް ވުރެ ގިނަ އިރުން ދުއްވައިފައި ދިވެހިރާއްޖެއަށް އައިސް ވަނީ. ދިވެހިރާއްޖެއިން އިންޑިއާގެ އެހީތެރިކަމަށް އެދުނީމާ، ދާދި ކުޑަ ހިނދުކޮޅެއްގެ ތެރޭގައި އެއަރފޯސް މޯބިލައިޒްކޮށްފި. މި ހުންނަނީ އިއްތިފާޤުތޯ. މިއީ އިއްތިފާޤްތަކެއް ނޫން. އެެހެންވެ، މި ދަންނަވަނީ ޙަޤީޤަތްތަކެއް އެބަހުއްޓޭ. އެ ޙަޤީޤަތްތައް ދިވެހި ރައްޔިތުންނަށް އެނގެން ޖެހޭ ދުވަސް އައިސްފި.؟
ރައީސް ޔާމީންގެ ވާހަކަފުޅުގައި އިތުރަށް ވިދާޅުވީ، އެ ދުވަހު ކަން ހިނގި ގޮތް ދަންނަ މީހުން، އެ ވާހަކަތައް ރައްޔިތުންނަށް ކިޔައިދޭން ޖެހޭ ކަމަށެވެ.
ނޮވެންބަރު 3ގެ ޢުދުވާނީ ހަމަލާއާ ގުޅިގެން ދިވެހި ސަރުކާރުން ޢަސްކަރީ އެހީއަށް އެދުނީ އިންޑިޔާ ސަރުކާރުގައެވެ. އިންޑިޔާ ސަރުކާރުގެ ފަރާތުން އިންޑިޔާ ސިފައިންގެ 1600 މީހުން ހިމެނޭ ފައުޖެއް ރާއްޖެ އައިސް ޙަރަކާތްތެރިވާން ފެށިއިރު ރާއްޖޭގެ އަސްކަރިއްޔާއިން ވަނީ ތަމަޅައިންގެ ލަޝްކަރު ބަލިކޮށްފައެވެ. އެހެންކަމުން އިންޑިއާ ސިފައިން ހަނގުރާމަ ކުރާކަށް ނުޖެހުނެވެ.
އިންޑިއާގެ އަސްކަރިއްޔާއިން، ނޮވެންބަރު 3ގެ ހާދިސާއަށް ކިޔަނީ އޮޕަރޭޝަން ކެކްޓަސްއެވެ. އިންޑިއާގެ ބައެއް މިޑީއާތަކުން އެ ދުވަސް ފާހަގަ ކުރަނީ އިންޑިއާ ސިފައިން ހޯދި ކާމިޔާބީއެއްގެ ގޮތުގައެވެ. ނޮވެންބަރު 3ގެ ހާދިސާއަށް ފަހު އަމަން ބެލެހެއްޓުމުގެ ނަމުގައި އިންޑިއާ ސިފައިން ރާއްޖޭގައި އަހަރެއް ވާންދެން ތިއްބެވެ. ނަމަވެސް އޭރުގެ ރައީސް، ރައީސް މައުމޫންގެ ސީދާ އަމުރަކަށް އިންޑިއާ ސިފައިން ރާއްޖެއިން ވަނީ ފައިބައިފައެވެ.
އަޅެ މީނަ ހަމަތަ
ތިޔާ ބޮޑުވަރު
ރައީސް ޔާމީންގެ ވާހަކަފުޅުގައި އިތުރަށް ވިދާޅުވީ، އެ ދުވަހު ކަން ހިނގި ގޮތް ދަންނަ މީހުން، އެ ވާހަކަތައް ރައްޔިތުންނަށް ކިޔައިދޭން ޖެހޭ ކަމަށެވެ. ‘
ނޫސްވެރިޔާ ރިލްވާން އަށް ވީ ގޮތްވެސް އެކަން ހިނގިގޮތް ދަންނަ މީހުން ރައްޔިތުންނަށް ކިޔާދޭން އެބަޖެހޭ.
ތެދު ވާހަކައެއް އިންޑިއާ އައުޓް