މަޖިލިސް މެންބަރުންނަށް ހެލްތު ސްކްރީން ޕްރޮގްރާމެއް ބާއްވައިފި

ރައްޔިތުންގެ މަޖިލިސް މެންބަރުންނަށް ހެލްތު ސްކްރީން ޕްރޮގްރާމެއް މިއަދު ބާއްވައިފިއެވެ.

Ads by Sosun Fihaara

ރައްޔިތުންގެ މަޖިލީހުން މައުލޫމާތު ދެއްވައިފައިވާ ގޮތުގައި މި ޕްރޮގްރާމަކީ ޑަޔަބެޓީސް ސޮސައިޓީ އޮފް މޯލްޑިވްސާއި މަޖިލީހުގެ ސޯޝަލް ކްލަބް ގުޅިގެން ހިންގި ޕްރޮގްރާމެކެވެ.

މަޖިލިސް މެންބަރުންނަށާއި އެ މަޖިލީހުގެ އިދާރީ މުވައްޒަފުންނަށް ހިންގި މި ޕްރޮގްރާމުގައި މިއަދު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ބައިވެރިވެވަޑައިގެންނެވިއެވެ.

މި ޕްރޮގްރާމުގެ ދަށުން ވަނީ، މަޖިލިސް މެންބަރުންގެ ލޭގެ ޕްރޮޝަރު ހުރި ވަރާއި، ހިތުގެ ވިންދާއި، އިސްކޮޅާއި ބަރުދަން ވެސް ބަލައިފައެވެ. އަދި އެ ބޭފުޅެއްގެ ސިއްހަތު އިތުރަށް ރަނގަޅަށް ބެލެހެއްޓިދާނެ ގޮތްތައް ވެސް ކިޔައިދީފައިވާ ކަމަށް މައުލޫމާތު ލިބިފައި ވެއެވެ.